بەساڵاچویەکی بێلانە توشی ڕوداوی هاتووچۆ دەبێت و لەسەر ڕاسپاردەی وەزیری کارو کاروباری کۆمەڵایەتی بەدواداچون بۆ گرفتەکانی دەکرێت.
بەڕێوەبەری گشتی : "هەر بەڕێزێک زانیاری دەربارەی ئەو هاوڵاتیە بەساڵاچوە هەیە تکایە ئگادارمان بکەن تا کاری پێویستی بۆ ئەنجام بدەین"
پاش ئەوەی هاوڵاتیەکی بەساڵاچووی بێلانە توشی ڕووداوی هاتوچۆۆ دەبێت و زانیاری دەدرێتە خاتوو کوێستان محەمەد ،وەزیری کارو کاروباری کۆمەڵایەتی ، هەرزوو بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بە وەکالەت ، ڕاسپارد بە زووی بەدواداچوونی ورد بۆ دۆسیەکەی بکات.
بۆیە هەر ئەمڕۆ 3ـی حوزەیرانی 2023، بەڕێوەبەری گشتی بەوەکالەت بەمەبەستی بەدواداچون و گەڕان سەردانی نەخۆشخانەی شاری کرد و ژمارەیەک شوێنی پەیوەندی دار ئاگادار کرانەوە و بڕیار وایە بەدواداچون بۆ کەیسەکە بکرێت و پاش وەرگرتنی چارەسەری پزیشکی ببرێتە ماڵی بەساڵاچوان.
بۆ ئەومەبەستە بەڕێز بەڕێوەبەری گشتی ڕایگەیاند " هەرچی پێویست بێت بۆ ئەو بەساڵاچووە دەیکەین و دەست خۆشی لە بەڕێوەبەر و کارمەندانی نەخۆشخانەی شار دەکەین کە بڕیاری هاوکاریان داوەو داوا لە هاوڵاتیان دەکەین ، هەر بەڕێزێک زانیاری دەربارەی ئەو هاوڵاتیە بەساڵاچوە هەیە تکایە ئگادارمان بکەن تا کاری پێویستی بۆ ئەنجام بدەین و لەپاش وەرگرتنی چارەسەری پزیشکی دەیبەینە ماڵی بەساڵاچوان و هەرچی پێویست بێت بۆی دەکەین".
بێستون جەبار لەسەر وەرگرتنی سودمەند لە ماڵی بەساڵاچوان وتی: " ماڵی بەساڵاچووانی سلێمانی، بەشێوەی بیست‌و چوار کاتژمێری، دەرگای کراوەیە بۆ لە ئامێزگرتنی ئەو بەساڵاچووانەی کە بەهەر هۆکارێک پێویستیان بەو شوێنە شایستەیە هەیە و خزمەتگوزاری کۆمەڵایەتی‌‌و دەروونی‌‌و تەندروستی‌‌و پێویستی ڕۆژانەی ژیانیان پێشکەش دەکات".