هەوکردنی پەردەی مێشک چیە؟ نیشانەکانی چین؟ ئەگەر چارەسەر نەکرێت ئەوکێشە تەندرووستیانە چین کە منداڵەکە لەوانەیە تووشی ببێت؟
ڕێنمایەکان چین؟
بۆ وەڵامی ئەم پرسیاران د.چێنەر عومەر پزیشکی پسپۆڕی منداڵان و کۆرپە وەڵام دەداتەوە.
هەوکردنی پەردەی مێشک بریتییە لە هەوکردنی شلە و پەردەی دەوری مێشک و دڕکەپەتک کە لە منداڵاندا تووش دەبێت بەڵام دەکرێت لە گەورەساڵاندا ڕووبدات کە دەکرێت هۆکارەکەی سەرەکییەکەی ڤایرۆس و پاشان بەکتریا بێت، دەکرێت کۆمەڵیک جاریش بەهۆی کەڕوو و مشەخۆر بێت.
نیشانەکانی لە منداڵی گەورەتر لە ٢ ساڵ :
١.تای بەرز
٢.رەقبوونی مل
٣.سەرئێشەی زۆر
٤.دڵ تێکهەلاتن و ڕشانەوە
٥.هەستیاری بە ڕووناکی
٦.ئەگەر گەشگە هەیە.
٧.خەوتنی زۆر و درەنگ خەبەربوونەوەی لە خەو
ئارەزووی خواردن و ئاو ناکات واتە ئیشتیهای نیە.
نیشانەی منداڵی تازە لە دایکبوو :
١.تای بەرز
٢. گریانی بەردەوام
٣. خەبەر نەبوونەوەی لە خەو
٤.شیرخواردنی کەم دەبێتەوە
٥.ڕشانەوە
٦.بیزاری و بێتاقەتی وناچالاکی منداڵ
٧. ئەو بەشەی کەلەی سەر کە مەڵاشووی پێ دەڵێن بەرەودەرەوە دەردەچێت.
چۆنیەتی گواستنەوەی :
بەکترتا و ڤایرۆسەکان کە دەتوانن ببنە هۆکاری پەردەی مێشک لە ڕێگەی کۆکە و پژمین ، ماچکردن ، بەکارهێنانی کەل و پەلی کەسی تر بگوازرێتەوە.
چۆن بتوانین خۆپارێزی بکەین :
لە ئێستادا پێویستە کۆمەڵیک ڕێکاری خۆپارێزی بگرێنە بەر بۆ ڕێگریکردن لە بڵاوبوونەوەی نەخۆشییەکە لە نیو منداڵاندا لەوانە :
١. ئەو منداڵانەی کە تووشبوون منداڵی تریان تێکەڵ نەکرێت و ئەو منداڵانەی کە نەخۆشن سەردانیان نەکرێت بۆ ئەوەی پشوو بدەن و نەخۆشییەکە بلاونەبێتەوە.
٢. پێویستە منداڵان زوو زوو دەست بشۆن بە تایبەت پێش خواردن و دوای چوونە توالێت و ئەو کاتانەی کە تێکەڵ بە منداڵانی تر دەبێت.
٣. منداڵان فیر بکرێن خواردنی کەسی تر نەخۆن کە دەکرێت لە ئەگەری تووشبوونیان بگوازرێتەوە بۆیان ، هەورەها بەکارنەهێنانی کەل و پەلی کەسی تر.
٤. هەندێک جۆر لەو هۆکارانەی کە تووشی پەردەی مێشک دەبن ڤاکسینیان هەیە کە دەتوانرێت بەکاربهێنرێت.
٥. بوونی ژیانی تەندروست لە ڕێگەی خواردنی سەوزە و میوە و ئاوی زۆر و پشوودانی پێویست ، وەرزشکردن کە هەموو ئەمانە وادەکات سیستمی بەرگری جەستە بەهێز بێت.
٦. داپووشینی دەم و لووت لە کاتی پژمین و کۆکیندا.
٧- زۆر گرنگە لەم کاتەدا واز لە چوونە ماڵان و دەعوەت و مانەوە لە شوێنان بهێنن.
زۆر گرنگە لە کاتی دەرکەوتنی ئەم نیشانانەی بە زوویی سەردانی پزیشک پسپۆڕی منداڵان و تازە لە دایکبووان بکرێت :
تای بەرز
سەر ئێشە زۆر کە چاک نەبێتەوە
گێژی و بێ تاقەتی
ڕشانەوە
ڕەقبوونی مل
لە ئەگەری چارەسەروەرنەگرتن دەکرێت تووشی ئەم کێشە تەندروستییان ببێتەوە :
١. کێشەی بینین و ئەگەری لەدەستدانی بینین.
٢.کێشەی بیستن و ئەگەری لەدەستدانی بینین.
٣.زیانگەیاندن بە مێشک.
٤. لاوازی لە فێربوون.
٥. گەشکە.
٦.ئیفلیجی مێشک
د. چێنەر عمر علی
پزیشکی پسپۆڕی منداڵان و کۆرپە