کار بۆ فراوان کردنی ماڵی داڵدەدانی ژنانی هەڕەشەلێکراو دەکرێت.
ئەمڕۆ سێشەممە، 23ـی ئـایـاری 2023 ، بەسەرپەرشتی بەڕێز م.ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی سلێمانی،ئامادەبوونی بەڕێزان خاتوو گەشاو عومەر شارەزای دارایی خاتوو ژیار جەلال بەڕێوەبەری چاودێری کۆمەڵایەتی سلێمانی، خاتوو نوخشە ڕەسول بەڕێوەبەری کارگێڕی ، هیوا ڕەحمان ڕاوێژکاری یاسایی ،سۆران سعید بەرپرسی پارێزگاری خێزان ، خاتوو تریفە محەمەد، بەرپرسی ماڵی داڵدەدانی ژنانی هەڕەشە لێکراو و ڕەوەز سەڵتە، نوێنەری بەشی ئەندازیاری ، کۆبونەوەیەکی تایبەت بە فراوان کردنی هەیکەلیەتی ماڵی داڵدەدانی ژنانی هەڕەشەلێکراو بەڕێوەچوو.
ئامانجی کۆبونەوەکە چۆنیەتی کارا کردنی میکانزمی بون بە بەڕێوەبەرێتی وفراوان کردنی هەیکەلیەتی ماڵی داڵدەدانی ژنانی هەڕەشەلێکراو بوو لە هۆبەوە بۆ بەڕێوەبەرایەتیەکی پێشکەوتووی سەردەم تا بتوانرێت بە باشرین شێوە خزمەت بە سودمەندانی بکات و سەرجەم هۆبەکانی ( یاسایی، ژمێریاری ، کارگێڕی و خزمەتگوزاری ، ئایتی ، کاری دەستی) لەخۆ بگرێت.
بۆ ئەومەبەستە بەشی ئەندازیاری ڕاسپێردرا دیزاینێکی تایبەت و سەردەمیانە دروست بکرێت ،کەشایستەی سودمەندانی بێت و سەرجەم داواکاریەکانی لەخۆ بگرێت لەوانە هۆڵی یاری و دایەنگەی منداڵان و شوێنی تایبەت بە کاری پیشەیی.
لەکۆتایدا بڕیار لەسەر دروستکردنی لیژنەیەکی تایبەت بە دیاری کردنی داواکاریەکان و بەدواداچونی ورد بۆ گرفتەکانی بەردەم پڕۆژەکەو بەرزکردنەوەی بۆ وەزارەتی کارو کاروباری کۆمەڵایەتی ،بەمەبەستی جێبەجێکردنی.
|