بۆ پاراستنیانی منداڵانی دایەنگاکان لە پەتای (هەوکردنی پەردەی مێشک ) سیمینارێک پێشکەش کرا.
بەمەبەستی پاراستنی منداڵان و کارمەندانی دایەنگا حکومی و ناحکومیەکان ،بەڕێوەبەرایەتی گشتی چاودێری گەشەپێدانی کۆمەڵایەتی سلێمانی بە هەماهەنگی بەڕێوەبەرایەتی گشتی تەندروستی سلێمانی و دایەنگەی جاف تاوەرس و شاری نەورۆزی ناحکومی، ڕۆژی سێشەممە، 16ـی ئـایـار/2023، سیمینارێک لەژێر ناوی ( ڤایرۆسی پەردەی مێشک وهەنگاوەکانی خۆپارێزی و نیشانەکانی) بۆ بەڕێوەبەر و پەرستارەکانی دایەنگا حکومی و ناحکومیەکان پێشكەش کرا.
سیمینارەکە لەنەخۆشخانەی منداڵان لەلایەن بەڕێزان (دکتۆرپشدەر محمود، پزیشکی پسپۆڕی منداڵان و بەڕێوەبەری نەخۆشخانەی منداڵانی سلێمانی) و هەروەها بەڕێز (د. سایە، لێپرسراوی نەخۆشیە گواستراوەکان لە تەندروستی سلێمانی) پێشکەش کران و لەماوەی دوو کاتژمێردا ڕێنمایی و زانیاری پێویست درانە بەڕێوەبەر و پەرستاری سەرجەم دایەنگە حکومی و ناحکومیەکان.
بەڕێوەبەرایەتی گشتی ساڵانە لەڕێگەی سیمینار و ۆرك شۆپ هەوڵی باشتر كردنی سستمی پەروەردەو تەندروستی منداڵانی دایەنگە حکومی و ناحکومیەکان دەدات و بەڕێوەبەرایەتی گشتی تەندروستی بۆ ئەو مەبەستە بەردەوام هاوکار و پشتیوانە.
|