بەڕێوەبەری گشتی بەوەکالەت پێشوازی لە ڕێکخراوی بیناسازی کوردستان و گروپی بڵاوکراوەی دەنگی کرێکار دەکات.
![]()
ئەمڕۆ یەکشەممە ، 10ـی ئــەیلولـــی /2023 بەڕێز بێستون جەبار ،بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت پێشوازی کرد لە شاندێکی (ڕێکخراوی بیناسازی کوردستان و گروپی بڵاوکراوەی دەنگی کرێکار) کە پێکهاتبوون لەبەڕێزان مصطفا موحەممەد سکرتێری ڕێکخراو و ئیبراهیم موحەممەد جێگری سکرتێر و مەحمود ئەحمەد خاوەنی ئیمتیاز و مەهدی ڕەسوڵ سەرنوسەری بڵاوکراوەی دەنگی کرێکار.
لە دیدارێکدا گفتوگۆی ژمارەیەک گرفت و کێشەی هاوڵاتیان تایبەت بە کرێکاران و هەژاران و هاوڵاتیانی خاوەن پێداویستی تایبەت لە سنوری کاری بەڕێوەبەرایەتی گشتی کرا ، بەڕێوەبەری گشتی بەوەکالەت پلان و کارەکانی خۆی لە ماوەی دەست بەکاربونی دا شیکردەوەو داوای کرد حکومەت و ڕێکخراوو ڕۆژنامەنوسان پێکەوە هەماهەنگی زیاتر بکەن بۆ خزمەت بە هاوڵاتیان.
ئامادەبووان پشتیوانی خۆیان بۆهەر پڕۆژەو کارێکی خێرخوازی و دامەزراوە کۆمەڵایەتیەکان دووپات کردەوە و هیوای سەرکەوتنی زیاتریان بۆ بەڕێز بەڕێوەبەری گشتی خواست.
|