بەڕێوەبەری گشتی بەوەکالەت بەڕێوەبەرایەتی چاودێری کەمئەندامان بەسەردەکاتەوە.
ئەمڕۆ یەکشەممە، 3ـی ئەیـــلولـی /2023، بێستون جەبار، بەڕێوەبەری گشتی چاودێری‌‌و گەشەپێدانی کۆمەڵایەتی لە پارێزگای سلێمانی بەوەکالەت، بە هاوڕێیەتی بەڕێزان، سۆران سەعید ، بەرپرسی بەشی پلان و بەدواداچون، هیوا سەعید، سەرپەرشتیاری پەروەردەیی، بەڕێوەبەرایەتی چاودێری کەمئەندامانی سلێمانی بەسەرکردەوەو لەلایەن بەڕێز لەتیف شێخ عەزیز بەڕێوەبەر و کارمەندان پێشوازی کران
لە بەسەرکردنەوەکەیدا بەڕێز بەڕێوەبەری گشتی بەوەکالەت هۆبەو یەکە جیاجیاکانی بەڕێوەبەرایەتیەکەی بەسەرکردەوەو لەنزیکەوە گوێبیستی گرفت داواکاریەکانیان بوو وە دەست خۆشی لە بەڕێوەبەر و کارمەندان کرد و هیوای خواست لەدەست پێکی ساڵی نوێی خوێندندا بەگڕو تینێکی نوێوە هاوکاری پەیمانگاو سەنتەرەکان بن.
|