لە قەزای چەمچەماڵ 334 منداڵ و 45 کچ و ژن بەشداری خولی هاوینەیان کردو بڕوانامە بەسەر بەشداربوان دابەشکرا.
ڕۆژی پێنجشەمە ، 7ـی ئـەیلـولی /2023 بەئامادەبونی ، بەڕێزان بێستون جبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بە وەکالەت ، حاکم ڕەمک ڕەمەزان قائیمقامی قەزای چەمچەماڵ، کامل غفور سەرپەرشتیاری پەروەردەیی ، بەرزان کریم بەڕێوەبەری چاودێری کۆمەڵایەتی چەمچەماڵ و زانا ناصح جێگری بەڕێوەبەر ژمارەیەک لە بەرپرسانی حکومی و ڕێکخراوەیی، کۆتای بەخولەکانی هاوینەی سەنتەری پاراستن و چالاکی منداڵان هات.
خوولەکان ماوەی سێ مانگ بەردەوام بوون ، بریتی بوون لەخولی کۆمپیوتەرو زمان(عەرەبی و ئینگلیزی) و وەرزش و وێنەکێشان و دروومان ، تیایدا (334) فێر خواز لەهەردو ڕەگەز بەشداریان کرد و بڕوانامەو خەڵات بەسەر بەشداربوان دابەش کران،هەر لەو مەراسیمەدا 45 سودمەند لەڕەگەزی مێ بڕوانامەی بەشداریان پێدرا کە بەشدار بوون لە خوولی دروومان ،
بەڕێوەبەری گشتی بەوەکالەت لەو مەراسیمەدا دەست خۆشی لە بەڕێوەبەرو کارمەندان کرد کە بە ئەرکێکی گەورەی پەروەردەیی و فێرکاری هەستاون ماندوبونیانی بەرز نرخاند هەروەک پیرۆزبایی لە بەشداربوان و ئەو ڕێکخراوو کەسایەتیان کرد کە هاوکار بوون لە بەرەوپێشچونی خول و ڕاهێنانەکان.
|