بەڕێوەبەری گشتی پێشوازی لە سەرپەرشتیار و تیمی پڕۆژەی(پاراستنی مافەکانی ژنان و بەهێزکردنیان) لە پارێزگای سلێمانی دەکات.
ڕۆژی سێشەممە ، 6ـی حوزەیرانـی 2023 ،بەڕێز بێستون جەبار ، بەڕێوەبەری گشتی چاودێری وگەشەپێدانی کۆمەڵایەتی لە پارێزگای سلێمانی بەوەکالەت،پێشوازی کرد لە بەڕێزان شاسوار صدیق سەرپەرشتیاری پڕۆژە و تیمی پڕۆژەی (پاراستنی مافەکانی ژنان و بەهێزکردنیان).
ئامانجی سەردانەکەیان پیرۆزبایی بوو لە بەڕێز بەڕێوەبەری گشتی بەوەکالەت بەبۆنەی وەرگرتنی پۆستی نوێ و پێشکەش کردنی چەپکەگوڵی پیرۆزبایی بە بەڕێزیان .
بەڕێوەبەری گشتی سوپاسی کردن و پاڵپشتی خۆی بۆ پڕۆژەکە دووپات کردەوەو پڕۆژەکەیبە پێویستیەکی گرنگ بۆ پارێزگای سلێمانی ناو بردوو هیوای سەرکەوتنی زیاتری بۆ خواستن.
پاشان ڕێکخەری پڕۆژە سوپاسی بەڕێز بەڕێوەبەری گشتی کرد بۆ پاڵپشتی و پشتیوانیان لە پڕۆژەکە و دڵنیای دا کە بەردەوامدەبن تا زیاتر خزمەت بە ژنانی پارێزگای سلێمانی بکرێت.
ئەوەی شایەنی باسە پڕۆژەکە بە پشتیوانی دارایی رێکخراوی (UNFPA) و سەرپەرشتی بەڕێوەبەرایەتی گشتی، یەکێک لە پڕۆژە گرنگ و کاریگەرەکانی سنوری کاری بەڕێوەبەرایەتی گشتی یەو لە ماوەی‌ڕابردوودا خزمەتێکی گەورەی بە پرسی ژنان و خیزان کردووە.
|