سلێمانی/ بەڕێوەبەری ڕاگەیاندنی بەڕێوەبەرایەتی گشتی بەژداری خولێکی ڕاهێنا بۆ بەهێز کردنی توانای وتەبێژی فەرمانگەکانی حکومەتی هەرێمی کوردستان دەکات.
بەمەبەستی رێگریکردن لە بڵاوبوونەوەی هەواڵی ساختە و نادروست، سەنتەری میترۆ ڕاهێنانێکی دوو رۆژەی بۆ وتەبێژو بەڕێوەبەری ڕاگەیاندنی فەرمانگەکان ئەنجامدا.
لە چوارچێوەی هەڵمەتی وشیاری لە دژی بڵاوکردنەوەی زانیاری ناڕون و چەواشەکار رۆژانی 24 و 25ـی تەموزی 2022، بە بەشداری هێمن محەمەد، بەڕێوەبەری ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی و بەڕێوەبەری ڕاگەیاندنی سەرجەم بەڕێوەبەرایەتیە گشتیەکانی پارێزگای سلێمانی، بۆ هۆشیارکردنەوەی میدکاران لە مەترسییەکانی بڵاوبوونەوەی هەواڵی ساختە و کاریگەری لەسەر ئازادی کاری میدیایی، خولێكی دوو رۆژه لە هۆتێل تایتەنیک بەڕێوەچوو.
هەژان خالید توێژەر لە سەنتەری میترۆ، ووتەیەكی پێشكەش كرد.
هەژان ووتی "میترۆ كاتێك پرۆژەیكی لەم شێوەی رادەگەیەنێت دڵنیایە كە میدیاكان و بەشی میدیا فەرمانگەكان و ووتەبێژی رەسمی دەتوانن فاكتەر بن بۆ كەمكردنەوەی دیاردەكانی زانیاری ناراست و هەواڵی چەواشە" وتیشی " زانیاری راست مافی مەدەنی خەڵكە بەردەوامبوونتان لە هەمئاهەنگی لەگەڵ میدیاكان و دەركردنی بەیاننامەی پر زانیاری گرنگن تا هاوڵاتیانی لێ بێبەش نەبێت لەم مافە" جەختیكردەوە " هەواڵی ساختە دیاردەیەكی جیهانییە، ترسناكترین هەڕەشەیە بۆ سەر حەقیقەت و ئازادی میدیا، هەولێكیشە تا پیشەی ئەوانە لاواز بكات كە بەدوای راستیدا دەگەڕێن و راستی بڵاودەكەنەوە"
لەم خولەدا راهێنەری بەتوانا خدر دوملی وانەكانی پێشكەش کردوو و تیایدا تێشكی خستە سەر گرنگترین ئەركەكانی ووتەبێژەكان و بەشی میدیای بەرێوەبەریەتییكانی حكومەت و چەند تەوەرێكی گرنگی ئەم بوارە.
لەکۆتایدا بڕوانامە پێشکەش بە بەژداربوان کرا.
|