مەکتەبی دارایی کۆمەڵی دادگەری پاڵپشتی و پشتیوانی خۆیان بۆ دامەزراوەی کۆمەڵایەتی دوپات دەکەنەوە.
ئەمڕۆ چوارشەممە، 20ـی7ـی2022، بەڕێز ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی،لە دیوانی بەڕێوەبەرایەتی گشتی پێشوازی کرد لە شاندێکی مەکتەبی دارایی کۆمەڵی دادگەری کە پێک هاتبوون لە بەڕێزان ، م.عەبدوڵڵا ڕەشید ،ئەندامی سەرکردایەتی و بەرپرسی مەکتەبی دارایی ،م.سەردار حەسەن ،ئەندامی مەکتەبی دارایی.
لەدیدارێکی دۆستانەدا وێڕای پیرۆزبایی لە پۆستی نوێی بەڕێوەبەری گشتی شاندی میوان پاڵپشتی و پشتیوانی خۆیان بۆ دامەزراوەی کۆمەڵایەتی لە پارێزگای سلێمانی دوپات کردەوەو سوپاسی بەڕێز بەڕێوەبەری گشتیان کرد بۆ ئەو پێشوازیەی لێیان کراو هیوای سەرکەوتنی زیاتریان بۆ خۆستن وژمارەیەک کتێبیان وەک دیاری پێشکەش بە بەڕێز بەڕێوەبەری گشتی کرد.
لەبەرامبەردا بەڕێز م.ئیسماعیل سوپاسی کردن و وتی ئەوان پێشوازی لە هەر هەوڵێک دەکەن کە بۆ باشتر کردنی دۆخی دامەزراوەی کۆمەڵایەتی لە پارێزگای سلێمانی بنرێت و پاڵپشتی هەر کەس و ڕێکخراوو لایەنێکی بۆ ئەوان بە گرنگ وەسف کرد.
|