بەڕێوەبەری گشتی سەرپەرشتی کۆبونەوەیەکی تایبەت بە خشتەی خواردنی سودمەندانی چاودێری کۆمەڵایەتی سلێمانی بۆ ساڵی 2023 دەکات.
"بەڕێوەبەری گشتی: بەردەوام چاودێر دەبین لەسەر جۆری ئەو خواردنەی پێشکەش بە سودمەندانمان دەکرێت"
ڕۆژی یەکشەممە ، 3ـی تەموزی 2022 ،بەسەرپەرشتی بەڕێز م. ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی. و ئامادە بونی بەڕێزان ، مافناس ڕێبوار ڕەسول ، بەرپرسی بەشی یاسا،خاتوو دڵخواز عەبدوڵڵا ، بەڕێوەبەری دایەنگەی خنجیل ،خاتوو( بەهەشت محمد و بانو عەلی و بەدریە محەمەد، ئاشنا ئیسماعیل) یاسایی.
ئامانجی کۆبونەوەکە گفتوگۆ کردن بوو سەبارەت بە ئامادەکردنی مەرجەکان و خشتەو خەمڵاندنی خواردنی سودمەندانی ماڵەکان و دایەنگەکان بۆ ساڵی 2023 . بەدواداچون بۆ ئەو ژەممە خۆراکیانەی ئێستا پێشکەش دەکرێت و چارەسەر کردنی گرفتەکانی ، هەروەک بەڕێزبەڕێوەبەری گشتی بەئامادەبوانی ڕاگەیاند کە پێویستە بەردەوام چاودێر بین لەسەر جۆری ئەو خواردنەی پێشکەش بە سودمەندانمان دەکرێت و منداڵانی دایەنگەو سودمەندانمان بە پێی بەرنامەیەکی تەندروست پێویستی خواردنیان پێشکەش بکرێت
|