وەزیری کارو کاروباری کۆمەڵایەتی تایبەت بە هاوڵاتیانی خاوەن پێداویستی تایبەت سەرپەرشتی کۆبونەوەیەک دەکات.
ڕۆژی سێشەممە، 23ـی نیسانی2024 ،خاتوو کوێستان محەمەد وەزیری کارو کاروباری کۆمەلایەتی ، لە دیوانی وەزارەت سەرپەرشتی کۆبونەوەیەکی کرد تایبەت بە دۆخی هاوڵاتیانی خاوەن پێداویستی تایبەت ، کۆبونەوەکە بە ئامادەبوونی خاتوو زەکیە سەید ساڵح بریکاری وەزات ، بەرێوەبەرانی گشتی چاودێری کۆمەلایەتی هەولێرو سلێمانی و سەرجەم بەرێوەبەرانی توری پاراستنی کۆمەڵایەتی لە پارێزگاو ئیدارە سەربەخۆکان .
ئامانج لە کۆبونەوەکە بۆ پێداچونەوە بە ئیش و کارەکانی کەمئەندامان و خاوەن پێداویستیەکان، دوای رێکەوتنی حکومەتی هەرێم و حکومەتی فیدراڵی بۆ هاوتا کردنی ماف و ئیمتیازاتی ئەو چینەو ، لە چۆنێتی بەرێوەچونی کارەکانیانی کۆڵیەوەو باس لەو کێشەو گیرو گرفتانە کرا کە روبەرووی بەرێوەبەرایەتیەکان دەبێتەوە و داوای کرد رێوشوێنی پێویست بگیرێتە بەر لە پێناو خزمەتی زیاتری کەمئەندامان و خاوەن پێداویستی یە تایبەتەکان .
|