چوارەم کۆبونەوەی ئەنجومەنی پاراستنی منداڵ بەڕێوەچوو.
ڕۆژی چوارشەممە، 7ـی حوزەیرانی 2023 ، بەسەرپەرشتی بەڕێز بێستون جەبار ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت و ژمارەیەک لە ئەندامانی ئەنجومەن چوارەم کۆبونەوەی ئەنجومەنی پاراستنی منداڵ بەڕێوەچوو.
لەکۆبونەوەکەدا وێڕای جەخت کردنەوە لەسەر جێبەجێ کردنی بڕیارەکانی کۆبونەوەی سێیەم ،ژمارەیەک تەوەری گرنگ و ئەو لەمپارانەی دێنەبەردەم کارەکانی ئەنجومەنەکە گفتوگۆ کران و چەند بڕیارێک بۆ بەرژەوەندی منداڵان دران کە خۆی لە فراوان کردنی ئەنجومەنەکە بە بەژداری کردنی ژمارەیەک لە ڕێکخراوە پەیوەندیدارەکانی بواری منداڵ و نوێنەری ئاسایشی سلێمانی تا بتوانرێت باشترین سود و خزمەت بە منداڵانی پارێزگای سلێمانی بکرێت.
ئەنجومەنی پاراستنی منداڵ ، لەژێر سەرپەرشتی بەڕێوەبەرایەتی گشتی و ئەندامێتی ژمارەیەک لە بەڕێوەبەرایەتیەکانی حکومەتی خۆجێی سلێمانی کە پێک دێت لە لە نوێنەرانی هەریەک لە بەڕێوەبەرایەتیەکانی (پۆلیسی نەوجەوانان ، ڕۆشنبیری ، تەندروستی ، مافی مرۆڤ،ئەوقاف و کاروباری ئاینی، چاودێری کەمئەندامان، چاودێری کۆمەڵایەتی، بەرپرسی بەشی پارێزگاری خێزان، یەکەی پاراستنی منداڵان، دادگای نەوجەوانان) ، کاری سەرەکی ئەنجومەنەکە بەدواداچونی کێشەو گرفتەکانی منداڵان و پاراستنی مافەکانیان و گرنگی دان و بەرەوپێش چونی تواناکانیانە لە پارێزگای سلێمانی.
|