بەڕێوەبەری گشتی بەوەکالەت بەجیا پێشوازی لە (یەکێتی نابینایانی کوردستان، ڕێکخراوی هیوای کەمئەندامان، کۆمەڵەی کەمئەندامان) کرد.
بێستون جەبار :- " کار لەسە بەهرەکانی هاوڵاتیانی خاوەن پێداویستی تایبەت دەکەین و کۆمەڵگا لە ئاست و تواناکانیان هۆشیار دەکەینەوە ، لە ئەمڕۆ وە پاش تەواو بوونی دەوامی فەرمی لە دیوانی بەڕێوەبەرایەتی گشتی دەمێنینەوەو درگامان واڵا دەبێت تایبەت بە ڕێکخراو و کۆمەڵە کەمئەندامیەکان بۆ چارەسەر کردنی گرفتەکان و گوێ گرتن لە داواو پێشنیارەکانتان"
ئەمڕۆ چوارشەممە ، 7ـی حوزەیرانـی 2023، بەڕێز بێستون جەبار ، بەڕێوەبەری گشتی چاودێری و گەشەپێدانی كۆمەڵایەتی لە پارێزگای سلێمانی بەوەکالەت ، بە ئامادەبوونی بەڕێز لەتیف شێخ عەزیز، بەڕێوەبەری چاودێری کەمئەندامانی سلێمانی لە دیوانی بەڕێوەبەرایەتی گشتی بەجیا پێشوازی لەشاندی هەریەک لە ڕێکخراوی ، یەکێتی نابینایانی کوردستان ، پێکهاتبوون لە بەڕێزان عومەر خدر سکرتێر و کارزان عومەر بەرپرسی ئیدارە .
ڕێکخراوی هیوای کەمئەندامان ، پێک هاتبوون لە بەڕێزان حەیدەر عوسمان سکرتێری ڕێکخراو و نیهایەت عەزیز جێگر و ژمارەیەک لە ئەندامانی ڕێکخراو.
کۆمەڵەی کەمئەندامان ، پێک هاتبوون لە بەڕێزان ، خۆشناو ڕەئوف بەرپرسی کۆمەڵە و ئەندامانی کەمەڵە.
ئامانجی سەردانەکان پیرۆزبایی وەرگرتنی پۆستی نوێی بەڕێوەبەری گشتی و هەماهەنگی و کاری پێکەوەیی بە ئامانجی گەشتنی هاوڵاتیانی خاوەن پێداویستی تایبەت بە مافەکانیان.
بەڕێوەبەری گشتی سوپاسی کردن و پاڵپشتی و پشتیوانی خۆی بۆ دووپات کردنەوەو پێی ڕاگەیاندن "گرفتەکانی هاوڵاتیانی خاوەن پێداویستی تایبەت تەنها خۆی لە گرفتە داراییەکان نابینێتەوەو بەڵکو بەکارهێنانی کەمئەندامان لەلایەت ژمارەیەک کەس و ڕێکخراوی نابەرپرس و پشاندانیان بەمەبەستی کۆکردنەوەی سامان و سەیرکردنیان بەچاوێکی کەمتر گرفتی گەورەی دروست کردوە کە لێکەوتەی دەرونی و کۆمەڵایەتی خراپی دەبێت و پێویستە هۆشیاری زیاتر لەوبارەوە هەبێت "
لە درێژەی ڕوونکردەوەی پلانەکانی بۆ ڕێکخراوەکان و هاوڵاتیانی خاوەن پێداویستی تایبەت وتی " کار لەسە بەهرەکانی هاوڵاتیانی خاوەن پێداویستی تایبەت دەکەین و کۆمەڵگا لە ئاست و تواناکانیان هۆشیار دەکەینەوە ، لە ئەمڕۆ وە پاش تەواو بوونی دەوامی فەرمی لە دیوانی بەڕێوەبەرایەتی گشتی دەمێنینەوەو درگامان واڵا دەبێت تایبەت بە ڕێکخراو و کۆمەڵە کەمئەندامیەکان بۆ چارەسەر کردنی گرفتەکان و گوێ گرتن لە داواو پێشنیارەکانتان"
لەکۆتایی سەردانەکاندا سەرجەم کۆمەڵەو ڕێکخراوەکان دەست خۆشیان لە بەڕێز بەڕێوەبەری گشتی کردو چەپکە گوڵی پیرۆزباییان پێشکەش کرد.