ئەمڕۆ پێنجشه‌ممه‌،23ـی شوباتـی2023، به‌ ئاماده‌بوونی‌ به‌ڕێز م.ئیسماعیل ڕەشید، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌ پارێزگای‌ سلێمانی‌، خاتوو گەشاو عومەر ،شارەزای دارایی ، خاتوو نوخشە ڕسول ، بەڕێوەبەری کارگێڕی ، خاتوو حەلیمە فەتاح، بەرپرسی پلان و بەدواداچوون، پاش 6 ڕۆژ وانه‌ی‌ تیۆری‌‌و پراكتیكی‌، خولی‌ (کۆمپیوتەر) بۆ (16) كارمه‌ندی‌ به‌ڕێوه‌به‌رایه‌تی گشتی و بەڕێوەبەرایەتیەکانی سەر بە بەڕێوەبەرایەتی گشتی ، كۆتایهات‌و بڕوانامه‌ی‌ به‌شداربوون به‌سه‌ر به‌شداربوواندا دابه‌شكرا.

له‌ مه‌راسیمی‌ كۆتایی‌ خوله‌كه‌دا، به‌ڕێز به‌ڕێوه‌به‌ری‌ گشتی‌ وته‌یه‌كی‌ پێشكه‌شكردو له‌ وته‌كه‌یدا پاش ده‌ستخۆشی‌ له‌ به‌ڕێز خاتوو حەلیمە فەتاح، بەرپرسی بەشی پلان و بەدواداچون، خاتوو شەنگە محەمەد ، ڕاهێنەری خولەکە، ئاماژه‌ی‌ به‌ بایه‌خ‌و گرنگی‌ ئەو جۆرە خولانە کرد کە كارمه‌ندان لە بواری مامه‌ڵكردن لەگەڵ کۆمپیوتەرو بابەتە ئەلکترۆنیەکان و تەکنەلۆجیا پێویستیان پێیەتی ،هەروەها ده‌ستخۆشی‌ لێكردن كه‌ زۆر دڵسۆزانه‌ ئه‌ركه‌كانیان ڕاده‌په‌ڕێنن كه‌ به‌شداری‌ خول‌و ڕاهێنانه‌كان یه‌كێكه‌ له‌ ئه‌ركه‌كان.

ئه‌م ڕاهێنانه‌ به‌شێكه‌ له‌ پلانی‌ ساڵانه‌ی‌ به‌ڕێوه‌به‌رایه‌تی‌ گشتی‌‌و ئه‌و گرنگیپێدانه‌ی‌ به‌ڕێوه‌به‌رایه‌تی‌ گشتی‌ هه‌یه‌تی‌ بۆ به‌رزكردنه‌وه‌ی‌ توانای‌ كارمه‌ندانی‌ دامه‌زراوه‌ی‌ كۆمه‌لایه‌تی‌ بۆ خزمه‌تكردن سەردانی کەران و ڕای کردنی کارەکان بەشێوەیەکی پێشکەوتوو .