به‌ڕێوه‌به‌ری گشتی ده‌ستخۆشی له ستاف و سه‌رپه‌رشتیاری پڕۆژه‌کانی ناو بەڕێوەبەرایەتی گشتی ده‌كات
ئەمڕۆ چوارشەممە، 15ـی شوباتـی 2023، به‌ڕێز م. ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی سلێمانی له‌گه‌ڵ سەرپەرشتیاران و ستافی پڕۆژه‌کانی (پاراستنی مافەکانی ژنان و بەهێزکردنیان) (پاراستنی منداڵان) كۆبوویه‌وه کە بەڕێوەبەرایەتی گشتی سەرپەرشتیان دەکات و لە كۆبوونه‌وه‌كه‌دا هه‌ڵسه‌نگاندن بۆ كاره‌كانی پڕۆژه‌كان كرا.
له‌و كۆبوونه‌وه‌یه‌دا هه‌ریه‌كه له به‌ڕێزان، ڕێبوار ڕەسول ، بەرپرسی بەشی یاسا، هیوا ڕەحمان، ڕاوێژکاری یاسایی ،شاسوار صدیق ،سەرپەرشتیاری پڕۆژە کامل غەفور سەرپەرشتیاری پڕۆژەی پاراستنی منداڵ، توێژه‌رانی پێشكه‌وتوو و ستافی سه‌رپه‌رشتیاری پڕۆژه له‌باره‌ی كاره‌كانی پڕۆژهكهوه قسه‌یان كردو له وته‌كانیانیدا میكانیزمه‌كانی كاركردنیان له ساڵی 2023 خسته‌ڕوو و ئاماژه‌یان به‌و میكانیزمانه‌دا كه پڕۆژه‌كه بۆ هاوكاری منداڵان و خانه‌واده‌كانیان و ژنان و کچان ده‌یگرێته‌به‌ر به ڕه‌چاوكردنی بارودۆخی ئێستاو ڕووە یاسایەکانی پڕۆژەکانیان گفتووگۆ کرد.
له‌باره‌ی كاره‌كانی پڕۆژهكهوه به‌ڕێز م.ئیسماعیل ڕەشید، ده‌ستخۆشی خۆی ئاراسته‌ی سه‌رپه‌رشتیارانی پڕۆژه‌كان و توێژەرو کارمەندانى دڵسۆزى كرد كه له ماوەی ڕابردودا كاری گه‌وره‌و گرنگیان ئه‌نجامدا له بواری پاراستنی منداڵان پاراستن بەهێزکردنی تواناکانی ژنان و به‌دواداچوون بۆ كێشه‌كانیان، ئه‌مه بێجگه له وشیاركردنه‌وه‌ی منداڵان‌و خانه‌واده‌كانیان، هه‌روه‌ها به‌ڕێوه‌به‌ری گشتی سوپاس‌و ده‌ستخۆشی ئاراسته‌ی هەریەک لە ڕێكخراوی یونسێف و سندوقی نیشتەجێبوون بۆ دانیشتوان كرد كه دڵسۆزانه پشتیوانی پڕۆژه‌كانن و ئه‌ركی پاڵپشتی دارایی‌‌و چاودێری له خۆ ده‌گرن.
پڕۆژه‌ی پاراستنی منداڵ‌و خێزان و پاراستنی مافەکانی ژنان و بەهێزکردنیان زیاتر له هەشت ساڵه به پشتیوانی ڕێكخراوی یونسێف و UNFPA له سنوری پارێزگای سلێمانی‌‌و ئیداره‌ی ڕاپه‌ڕین و گەرمیان كار ده‌كات‌و له بواری پاراستنی منداڵان و ژنان به‌بێ جیاوازی خزمه‌تگوزارییه جۆراو جۆره‌كانی له شاره‌كان‌و ئۆردوگاكانی ئاواره‌و په‌نابه‌ران پێشكه‌ش ده‌كەن.
|