ڕۆژی‌ پێنجشەممە، 8ـی ئــــابی 2024، بەئامادەبوونی به‌ڕێز بێستون جەبار، به‌ڕێوه‌به‌ری‌ گشتی‌ چاودێری‌‌و گه‌شه‌پێدانی‌ كۆمه‌ڵایه‌تی‌ له‌پارێزگای‌ سلێمانی‌ به‌وەکالەت، كۆتا ڕۆژی ڕاهێنانی‌ ناساندنی وێبسایتی لاهای به‌سه‌ركرده‌وه‌.

له‌و به‌سه‌ركردنه‌وه‌یه‌دا به‌ڕێز به‌ڕێوه‌به‌ری‌ گشتی‌ وێڕای‌ ده‌ستخۆشی‌ له‌ ڕێكخراوی‌ (UNICEF) لەپاڵپشتیان بۆ ڕاهێنانه‌كه‌، ده‌ستخۆشی‌ له‌ ئەحمەد گاهر ڕاهێنه‌ری کۆمەڵایەتی كرد، سه‌رپه‌رشتیاری‌ ڕاهێنانه‌كه‌ كرد بۆ به‌ڕێوه‌بردن‌و هه‌ماهه‌نگییان له‌ پێناو سه‌رخستنی‌ ڕاهێنانه‌كه‌دا.

به‌ڕێز به‌ڕێوه‌به‌ری‌ گشتی‌ پلانی‌ به‌ڕێوه‌به‌رایه‌تی‌ بۆ كاركردن له‌ بواری‌ ڕاهێنانی‌ منداڵان وکچان و حاڵەتەکان بۆ به‌شداربووان خسته‌ڕوو، هه‌روه‌ك به‌ڵێنیدا به‌رده‌وام بن له‌ كاركردن به‌ ئاراسته‌ی‌ باشتر کردنی دۆخی منداڵان و کچانی نەوجەوان.

ڕاهێنانەکە ڕێكخراوی‌ (UNICEF) بەهەماهەنگی بەڕێوەبەرایەتی گشتی لە هۆڵی هۆتێل ڕامادا بۆ 32 کارمەند و توێژەر و کارمەند سەنتەرەکانی پاراستنی منداڵانی سەر بە بەڕێوەبەرایەتیە گشتیەکانی (سلێمانی ،هەڵەبجە، ئیدارەی گەرمیان)  له‌ ماوه‌ی‌ (2) ڕۆژدا به‌ڕێوه‌برد تیایدا وێبسایتی لاهای ناسێندراو کە زانیاری کۆمەڵایەتی و تەندروستی پێشکەش بەو کچ و ژنانە دەکات کە لە تەمەنی لاویدان و وەڵامی پرسیارەکان دەداتەوە.

ڕاهێنانەکە لەلایەن مامۆستا (دیچۆڵ ڕەمەزان) وترایەوە.