به‌ڕێوه‌به‌ری گشتی پێشوازی له ڕێكخراوی تراینگڵ كرد و گفتوگۆی ڕوبەڕوبونەوەی ماددەی هۆشبەرکرا.
ئه‌مڕۆ دووشەممە، 19ـی 8ـی2024، له دیوانی به‌ڕێوه‌به‌رایه‌تی گشتی چاودێریی‌‌و گه‌شه‌پێدانی كۆمه‌ڵایه‌تی له پارێزگای سلێمانی، بەڕێز بێستون جەبار به‌ڕێوه‌به‌ری گشتی بەوەکالەت، به ئاماده‌بوونی بەڕێزان سۆران سه‌عید به‌رپرسی پارێزگاری خێزان، خاتوو بەنان وەهاب بەرپرسی دایەگەکان، پێشوازی له شاندێکی ڕێكخراوی تراینگڵ كرد کە پێکهاتبون لەبەڕێزان تارا عەزیز بەڕێوبەری پرۆژە ،ئان هالسیگ شارەزا لە ڕێکخراوی ترایەنگڵ.
له دیدارێكدا كه نزیكه‌ی كاتژمێرێكی خایاند، سه‌ره‌ڕای باسكردن له دۆخی خێزان ، هه‌ردوولا جه‌ختیان له‌سه‌ر كاركردنی پێكه‌وه‌یی‌‌و هاوكاریو هه‌ماهه‌نگی زیاتر كرده‌وه له پێناو به‌هێزكردنی پێگەی دەزگا کۆمەڵایەتیەکان لەڕوبەڕووبونەوەی ماددەهۆشبەراکان له كۆمه‌ڵگه‌و هوشیاركردنه‌وه‌ی گەنجان و خێزانه‌كانیان، هه‌روه‌ك هه‌ردوولا گفتوگۆیان له‌باره‌ی ژماره‌یه‌ك بیروڕا كرد كه ده‌كرێت له داهاتوودا ببنه هۆی خزمه‌تكردنی باشتری خێزان و باشتر به‌ڕێوه‌چوونیان ئەویش لەڕێگەی ڕاپرسیەک کە ڕێکخراوی ناوبراو بەهاوکاری هەردولاو بەڕێوەبەرایەتیە چاکسازیەکان دەکرێت، ئه‌مه بێجگه له گفتوگۆ له‌سه‌ر بەدوداچون بۆ گرفتەکەو کارکردن بۆ کەمکرنەوەی.
شایانی باسه ڕێكخراوێكی تراینگڵ رێخراوێکی فەرەنسیە کار دەکات لە گەشەپێدانی مرۆیی بە تایبەت لە سێکتەرەکانی خوێندن و پاراستن خزمەت گوزاریەکانی چر دەکاتەوە لە گەشەپێدان و بەگەرخستنی توانا مرۆییەکان.
|