كۆبوونه‌وه‌یه‌كی تایبه‌ت به گفتوگۆی چه‌ند كێشه‌یه‌ك و په‌ره‌پێدان به كار به‌ڕێوه‌چوو.
ئەمڕۆ یەکشەممە، 26ـی شوبـاتـی2023، به سه‌رپه‌رشتی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و ئامادەبوونی بەڕێزان شارەزای دارایی ،بەرپرسی کارگێڕی ،بەرپرسی بەشەکانی دیوانی بەڕێوەبەرایەتی گشتی، كۆبوونه‌وه‌یه‌كی تایبه‌ت به‌ڕێوه‌چوو.
له‌و كۆبوونه‌وه‌یه‌دا ژمارەیەک تەوەر گفتوگۆی لەبارەوەکرا، لەوانە یەکڕیزی نێوان فەرمانبەران بۆ بەدیهانی ئەو ئامانجانەی بەڕێوەبەرایەتی گشتی کاری لەسەر دەکات ،کە خزمەت کردنە بە هاوڵاتیانی، هەروەها دانانی پلانێک و دۆزینەوەی چارەسەری پێویست بۆ ئەو هاوڵاتیانەی کە بەهۆی دەست کورتی هەژاری ڕوو لە بەڕێوەبەرایەتی گشتی دەکەن کار کردن بۆ چارەسەری گرفتەکانیان ،
هه‌ر له‌و كۆبوونه‌وه‌یه‌دا ژماره‌یه‌ك له گرفته‌كانی كارمه‌ندانی گرێبه‌ستی پڕۆژە هاوبەشەکان له دیوانی بەڕێوەبەرایەتی گشتی باسكران، له‌و باره‌شه‌وه ڕێوشوێنی پێویست بۆ چاره‌سه‌ری ژماره‌یه‌ك له كێشه‌كان گیرایه به‌ر.
|