بەڕێوەبەری گشتی لەگەڵ لیژنەی دروستکردنی پێناسی نوێی کەمئەدامی کۆدەبێتەوە.

ئەمڕۆ دووشەممە ،18ـی7ـی2022، بەسەرپەرشتی بەڕێز ، ئیسماعیل ڕەشید ،بەڕێوەبەری گشتـی چاودێری و گەشەپێدانی کۆمەڵایەتی لە پارێزگای سلێمانی، ئامادەبونی بەڕێزان نەهرۆ عەبدوڵڵا ،بەڕێوەبەری تۆڕی پاراستنی کۆمەڵایەتی سلێمانی ، هیوا ڕەحمان، ڕاوێژکاری یاسایی ، سۆران سەعید بەرپرسی پلان و بەدواداچون ، محمد ڕەئوف، بەرپرسی هۆبەی کەئەندامان ،شاگوڵ عەزیز ،بەرپرسی هۆبەی ئایتی،بازیان صدیق ، بەڕێوەبەری سەنتەری پاراستنی منداڵانی پێنجوێن ، کۆبونەوەیەکی تایبەت بە کارەکانی لیژنەی ناسنامەی نوێی کەمئەندامی بەڕێوەچوو.


لەکۆبونەوەکەدا پڕۆسەی پێناسی نوێی کەمئەندامان گفتوگۆی لەبارەوە کراو چەند بڕیارێک لەسودی هاوڵاتیانی خاوەنپێداویستی تایبەت لە قەزای پێنجوێن و دەوروبەری بڕیاری لێوەدرا کە ئاسانکاری بۆ ئەو هاوڵاتیانەی سنورەکە دەکات و و بۆ دروست کردنی پێناسی نوێ و سەرلەنوێ تۆمارکردنیان لە سیستەمی نوێی داتابەیس سەردانی سلێمانی ناکەن و تیمێکی بەڕێوەبەرایەتی تۆڕی پاراستنی کۆمەڵایەتی سلێمانی بۆ ئەو مەبەستە دەچێتە قەزای پێنجوێن و لەوێ هاوڵاتیانی خاوەن پێداویستی تایبەتی سنورەکە زانیاریەکانیان لێوەردەگیرێ.

بەڕێز سۆران سەعید ،لێپرسراوی بەشی پلان و بەدواداچون بە وێبسایتی فەرمی بەڕێوەبەرایەتی گشتی ڕاگەیاند ، پڕۆسەکە لە ئێستادا لە کۆتایی نزیک دەبێتەوەو ، لەبەر بەرژەوەندی کەمئەندامانی سنوری قەزای پێنجوێن و بەرزبونەوەی پلەکانی گەرما نەمانویست ئەو هاوڵاتیانە عەزێت بکێشن و بێن بۆ سلێمانی بەڵکو تیمێک دەچێتە قەزاکە لەوێ زانیاریەکانیان لێوەردەگیرێ و ڕۆژانە سەد کەمئەندام لەڕێگەی پەیوەندی تەلەفونی ئاگادار دەکرێتەوەو لە هەفتەی ئایندەوە دەست بە پڕۆسەکە دەکرێت و هیوای خواست ئەو هاوڵاتیانەی ئاگادار دەکرێنەوە بەدەم تیمەکەوە بچن.

پڕۆسەکە تائێستا بەشێوەکی باش بێ کێشەو گرفت بەڕێوەچووەو ، کە لە چوارچێوەی (یاسای ماف و ئیمتیازاتی کەمئەندام و خاوەنپێداویستی تایبەت) هاتووەو سەرەڕای کەمکردنەوەی ڕۆتین و چارەسەرکردنی زۆرێک لە گرفتەکانی کەمئەندامان ئەم پێناسە نوێیە کەمئەندامی ناشایستە جیادەکاتەوەو هەوڵ دانە بۆ تۆمارکردنی کەمئەندامی نوێ و کارئاسانیە بۆ کەمکردنەوەی ڕۆتین و کارەکانی کەمئەندامان.