به‌ڕێوه‌به‌ری گشتی پێشوازی له جێگری سەرۆک و بڕیاردەری لیژنه‌ی كاروباری كۆمه‌ڵایه‌تی و مافی مرۆڤ لە په‌رله‌مانی كوردستان ده‌كات.
ڕۆژی ٣شەمە، ١٠ی ١١ی ٢٠٢٠، به‌ڕێز خاتوو ئاشتی ابراهیم محی دین، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی بە وەکالەت له پارێزگای سلێمانی به ئاماده‌بوونی به‌ڕێز ژیار جه‌لال مسته‌فا، به‌ڕێوه‌به‌ری چاودێری كۆمه‌ڵایه‌تی سلێمانی و بەڕێز خاتو ڕازاوە جێگری بەڕێوەبەری چاودێری کۆمەڵایەتی سلێمانی و ئاشتی حارس لێپرسراوی ماڵی منداڵان و بەناز کریم لێپرسراوی ماڵی بەساڵاچوان و نیان صبحی لێپرسراوی هۆبەی پلان و بەدوادا چوون. پێشوازییان كرد له به‌ڕێزان ( خاتوگوڵستان سه‌عید محمد، جێگری سەرۆکی لیژنەی کارو کاروباری کۆمەڵایەتی لە پەرلەمانی کوردستان و خاتوبه‌دریه اسماعیل، بڕیاردەری لیژنەی کارو کاروباری کۆمەڵایەتی و داکۆکی کردن لە مافی مرۆڤ كۆمه‌ڵایه‌تی له په‌رله‌مانی كوردستان).
ئامانجی سه‌ردانه‌كه‌ی ئه‌ندامانی په‌رله‌مانی كوردستان به دواداچوون بوو بۆ كاره‌كانی به‌ڕێوه‌به‌رایه‌تی چاودێری كۆمه‌ڵایه‌تی سلێمانی‌‌و ماڵه‌كانی منداڵان‌و کچان و کوڕان و به‌ساڵاچووان‌و داڵده‌دانی ژنان، له‌و باره‌یه‌وه به‌ڕێز به‌ڕێوه‌به‌ری گشتی شێوازی كاركردنی ماڵه‌كان‌و ڕێكاره‌كانی خۆپارێزیان بۆ شانده‌كه ڕوونكرده‌وه، هه‌روه‌ك باسیان له‌و گرفتانه كرد كه به‌هۆی کەمی ستاف و کارمەندەوە ڕووبه‌ڕووی شێوازی كاكردنی به‌ڕێوه‌به‌رایه‌تییه‌كه بۆته‌وه.
|