هێڵی فریاكه‌وتنی منداڵان پڕۆگرامی ئه‌لیكترۆنی خۆی نوێ ده‌كاته‌وه‌و خۆی بۆ جێ به‌جێكردنی به‌رنامه‌و پلانی زیاتر ئاماده ده‌كات
هێڵی فریاكه‌وتنی منداڵان پڕۆگرامی ئه‌لیكترۆنی خۆی نوێ ده‌كاته‌وه‌و خۆی بۆ جێ به‌جێكردنی به‌رنامه‌و پلانی زیاتر ئاماده ده‌كات
ڕۆژی سێشه‌ممه، 2ی 10ی 2019، به‌ڕێز م.عومه‌ر گوڵپی، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به هاوڕێیه‌تی هه‌ریه‌كه له به‌ڕێزان سۆران سه‌عید، به‌رپرسی به‌شی پلان‌و به‌دواداچوون‌و ئاره‌زوو غه‌فوور، سه‌رپه‌رشتیاری په‌روه‌رده‌یی‌‌و ڕازاو میرزا، به‌ڕێوه‌به‌ری چاودێری كۆمه‌ڵایه‌تی سلێمانی به وه‌كاله‌ت، هێڵی فریاكه‌وتنی منداڵان(هێڵی 116)ی به‌سه‌ركرده‌وه.
ئه‌و به‌سه‌ركردنه‌وه‌یه به‌مه‌به‌ستی تێستكردنی پڕۆگرامی نوێی كاركردنی ئه‌لیكترۆنی هیڵه‌كه بوو كه به‌هۆی به‌سه‌رچوونی ڤێرژنی پڕۆگرامه‌كه‌ی پێشووه‌وه نۆژه‌نكرابوویه‌وه،و گوێگرتن له به‌رپرس‌و ستافه‌كانی هێڵی 116 بوو له‌باره‌ی پلان و به‌رنامه‌و كێشه‌كانی تری كاركردن.
له وته‌یه‌كیدا به‌ڕێز به‌ڕێوه‌به‌ری گشتی ده‌ستخۆشی له به‌ڕێز ئیبراهیم ته‌یب،و سه‌رجه‌م كارمه‌ندان كرد كه بابه‌تیانه‌و پیشه‌ییانه‌و یاساییانه كاره‌كانی خۆیان به‌ڕێده‌كه‌ن‌و وه‌ڵامی منداڵان‌و كه‌س‌و كاریان ده‌ده‌نه‌وه به پێی پڕه‌نسیپه‌كانی كاركردن هاوكاریان پێشكه‌ش ده‌كه‌ن.
هه‌ر له‌و كۆبوونه‌وه‌یه‌دا ژماره‌یه‌ك پلان بۆ به‌هێزكردنی كاره‌كانی هێڵی 116 گفتوگۆكران‌و چاره‌سه‌ری گونجاویش بۆ كێشه‌كانی خرایه ڕوو، به‌ڕێز به‌ڕێوه‌به‌ری گشتیش به‌ڵێنی هه‌موو پشتیوانی و پشتگیرییه‌كی بۆ دووپاتكردنه‌وه.
|