کۆمەڵەی کورتەباڵاکانی کوردستان لە بۆنەیەکی تایبەتدا یادی دامەزراندنی 29 ساڵەی خۆی کردەوە و تیایدا 4 هاوڵاتی کورتەباڵا چونەژیانی هاوسەریەوە.
بە ئامادەبوونی بەڕێزان خاتوو کوێستان موحەمەد وەزیری کارو کاروباری کۆمەڵایەتی، خاتوو شاناز ابراهیم ئەحمەد خانمی یەکەمی عێراق ، هیوا ڕەحمان بەنوێنەرایەتی بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، ژمارەیەک لە بەرپرسانی حکومی و حزبی دوانیوەڕۆی ئەمڕۆ یەکشەممە ، 26ـی تشرینی دووەمی/2023 , لەهۆڵی داوا و لە بۆنەیەکی تایبەتدا ساڵیادی دامەزراندنی کۆمەڵەی کورتەباڵاکانی کوردستان بەڕێوەچوو.
لەوبۆنەیەدا بەڕێز مافناس هیوا ڕەحمان ، لەوتەیەکدا پیرۆزبایی لەبەرپرس و ئەندامانی کۆمەڵەی کورتەباڵاکان کردوو هیوای خواست پێکەوە بتوانن لەساڵی ئایندە خزمەتی زیاتر بە هاوڵاتیانی خاوەن پێداویستی تایبەت بکەن.
هەر لەو بۆنەیەدا چوار هاوڵاتی کورتەباڵا ئاهەنگی هاوسەرگیریان بۆڕێکخراو چونە ژیانی هاوسەریەوەو لەلایەن بەڕێزان هەریەک لە وەزیری کارو کاروباری کۆمەڵایەت و خانمی یەکەمی عێراق پێشوازی کران و پیرۆزباییان لێکرا.
|