ئەمڕۆ سێشەممە 27ـی ئـــــابی 2024 ژیلوان عادل شکور، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت ، بەئامادەبوونی سۆران سەعیدبەرپرسی پارێزگاری خێزان ، پێشوازی لە شاندێکی کۆمسیۆنی باڵای پەنابەران ( UNHCR) کرد کە پێک هاتبوون لە بەڕێزان ميشاك مولولو بهرپرسی سێکتەری بژێویو ئابوری، ماجا پيديرسن بەرپرسی گەشەپێدان.

 لە دانیشتنێکدا کە یەک کاتژمێری خایاند  بەڕێوەبەری گشتی بەرودۆخی بژێوی و ئابوری پەنابەران لە پارێزگای سلێمانی ڕوونکردەوە.

له‌وچوارچێوه‌یه‌شدا وێراى ده‌ستخۆشى بۆ ڕۆڵى به‌رده‌وامیان، داوای کرد پرۆژه‌ و به‌رنامه‌كانیان فراوانتربكه‌ن به‌تایبه‌ت له‌ده‌ره‌وه‌ى كامپه‌كان و تا دانیشتوانى سنورى پارێزگای سلێمانی سودى لێوه‌ربگرن به‌شێوه‌یه‌ك ئه‌و ئه‌جێندایه‌ى كه‌ ده‌خرێته‌ به‌رنامه‌ى كاركردنیان ژماره‌یه‌كى زۆرتر له‌هاوڵاتیان لێی سودمەندبن.

هەروەها گفتوگۆ دەربارەی شێوازی پشتیوانی (UNHCR) بۆ سنوری پارێزگای سلێمانی و هەماهەنگی و کاری پێکەوەیی کرا ، هەروەک كێشه‌و گرفته‌كانی‌ پەنابەران و دانانی‌ پلان و ئه‌ركی‌ هاوبه‌ش و گه‌ڕان به‌ دوای‌ دۆزینه‌وه‌و چاره‌سه‌ركردنی‌ كێشه‌كان بەگشتی لە سێکتەرە کۆمەڵایەتیەکان و كاركردن له‌سه‌ر كه‌یسه‌ جیاوازه‌كان باسی لێوەکرا ،