ئەمڕۆ پێنجشەممە ، 6ـی حوزەیرانی 2024 ، ،بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی بەوەکالەت ،لە دیوانی بەڕێوەبەرایەتی گشتی پێشوازی لە هونەرمەندی بواری کۆمیدی ( ئەحمەد جۆڵا) و دوو لاوی خێرخواز کرد .

لە دانیشتنێکی دۆستانەدا بەڕێز بەڕێوەبەری گشتی بە گەرمی بەخێرهاتنی کردن و خۆشحاڵی خۆی بە سەردانەکەیان دەربڕی و سوپاس و پێزانینی بۆ ڕۆڵی هونەرمەند ئەحمد جۆڵا هەبوو لە بەرەوپێشبردنی هونەردا و دەستخۆشی لێ كرد کە ماندوونەناسانە و بە ڕۆحێكی نیشتمانپەروەرانە خزمەتی کردوە و باسیان لە گرنگی بواری هونەر و ئەرکی هونەرمەندان لە پێشخستینی دەزگا کۆمەڵایەتیەکان کرد و هەروەک سوپاسی ئەو لاوانەی کرد کە لە وڵاتی هۆڵەنداوە هاوکاریان پێشکەش بە سندوقی هاوکاری کۆمەڵایەتی کرد کە تایبەتە بە سودمەندان.

لەبەرامبەردا هونەرمەند ئەحمەد جۆڵا خۆشحاڵی خۆیان بە دیداری بەڕێز بەڕێوەبەری گشتی دەربڕی و پشتیوانی خۆشی بۆ دەزگا کۆمەڵایەتیەکان و هەرکارێکی خێرخوازی دووپات کردەوە.