" بەهۆی نۆژەنکردنەوەوە دایەنگەی چوارباخی حکومی بەڕووی منداڵان داخرا"

ڕۆژی یەکشەممە، 2ـی حوزەیرانی2024، بەسەرپەرشتی بەڕێز بێستون جەبەر بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، ئامادەبونی بەڕێز خاتوو بەنان وەهاب بەرپرسی دایەنگاکان ، لەگەڵ هەریک لە دایەنگەکانی (چوارباخ ، بەختیاری، خنجیل، دایک، چوارتا)ـی حکومی کۆبویەوە.

کۆبونەوەکە ژمارەیەک تەوەری لەخۆگرت، لەوانە نۆژەنکردنەوەی دایەنگەی چوارباخ و دابەشکردنەوەی میلاکی دایەنگەکە، هەروەک بڕیاردرا منداڵانی دایەنگەکە بەسەر دایەنگە حکومیەکانی تر دابەش بکرێت تا کاتی تەواوبوونی نۆژەنکردنەوەکەی.

بەشێکی تری کۆبونەوەکە تایبەت بوو بە گرفتەکانی دایەنگەکان و هەروەها وەرگرتنی منداڵ بۆ ساڵی تازە بە میکانزمێکی نوێ لە ڕێگەی فۆڕمێک بەپێی خاڵبەندی تیایدا دادپەروەری پەیڕەو دەکرێت.

هەریەک لە بەڕێزان خاتوو بەسۆز تۆفیق بەڕێوەبەری دایەنگەی دایک، خاتوو دنیا حەمەعەلی بەڕێوەبەری دایەنگەی بەختیاری ، خاتوو چۆپی علی بەڕێوەبەری دایەنگەی چوارباخ ،خاتوو بنار بەکر بەڕێوەبەری دایەنگەی خنجیل ، ئاواز محمود بەڕێوەبەری دایەنگەی چوارتا بەشداریان لەکۆبونەوەکە کرد.

لەسنوری کاری بەڕێوەبەرایەتی گشتی 9 دایەنگەی حکومی هەیە کە چوار دایەنگەیان لە ناو سەنتەری شاری سلێمانین و ئەوانی تر دەکەونە قەزاکانی (بازیان، دەربەندیخان ، دوکان ، چوارتا، شارەزوور).