بە ئامادەبونی بەڕێوەبەری گشتی سلێمانی، پڕۆژەی پاراستنی منداڵ، بۆنەیەکی پڕ چالاکی بەبۆنەی ڕۆژی جیهانی منداڵ سازکرد.
ئەمڕۆ پێنجشه‌ممه، 30ـی ئــایــاری2024، بۆ ڕۆژی جیهانی منداڵان، بە ئاماده‌بوونی به‌ڕێز بێستون جەبار به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی بەوەکالەت، ژماره‌یه‌ك له به‌رپرسانی به‌شه‌كانی دیوانی به‌ڕێوه‌به‌رایه‌تی گشتی‌‌و سه‌رپه‌رشتیاری پڕۆژه‌ی پاراستنی منداڵ ، پڕۆژه‌ی پاراستنی منداڵ بۆ منداڵ‌و خێزان بۆنه‌یه‌كی پڕ له چالاكی بۆ منداڵانی كه‌مپی‌باریکە سازكرد.
له‌و بۆنه‌یه‌دا له‌لایه‌ن منداڵان‌و سودمه‌ندانی پڕۆژه‌كه‌وه ژماره‌یه‌ك گۆرانی‌‌و سرودو چالاكی‌‌و شانۆیی پێشكه‌شكران، كه به‌شێكن له كاره ڕۆژانه‌ییه‌كانی پڕۆژه‌كه، هه‌روه‌ك له كۆتایی بۆنه‌كه‌شدا دیاری به‌سه‌ر منداڵاندا دابه‌شكرا.
" پڕۆژه‌ی پاراستنی منداڵ یه‌كێك له پڕۆژه گرنگه‌كانی وه‌زاره‌تی كارو كاروباری كۆمه‌ڵایه‌تیه كه به‌هاوكاری ڕێكخراوی یونسێف له پارێزگاكانی سلێمانی‌‌و هه‌ولێرو دهۆك‌و ئیداره‌ی گه‌رمیان به‌ڕێوه ده‌چێت‌و بۆ ماوه‌ی زیاتر له 10 ساڵه به به‌رده‌وامی كاری پاراستنی منداڵانه له ڕێگه‌ی دروستكردنی ڕووبه‌ری هاوڕێی منداڵ كه پڕه له چالاكی ڕۆژانه، مۆبایل تیمی گه‌ڕۆك به‌سه‌ردانیكردنی منداڵان و خێزانه‌كان له نێو شاره‌كان‌و به‌ڕێوه‌بردنی كه‌یس بۆ ئه‌و منداڵانه‌ی كه كێشه‌یان هه‌یه".
دوا به‌دوای چالاكییه‌كه‌ش به‌ڕێز بەڕێوەبەری گشتی بەوەکالەت سوپاس‌و ده‌ستخۆشی ئاراسته‌ی سه‌رجه‌م به‌ڕێوه‌به‌رو به‌رپرس‌و سه‌رپه‌رشتیارانی پڕۆژه‌كه كرد كه به‌و كاره گرنگه هه‌ڵده‌ستن.
|