ڕۆژی جیهانی زمانی ئاماژە لەسەرجەم نـــابیستان پیرۆز بێت.
بەڕێوەبەرایەتی گشتی لە ماوەی ڕابردودا بۆ خزمەتکردن بە سەرجەم هاوڵاتیانی خاوەن پێداویستی تایبەت هەمیشە لەهەوڵدا بووە ، بۆ هاوڵاتیانی نابیست کە چینێکی گرنگی کۆمەڵگان لە ڕێگەی پەیمانگای هیوای نابیستان کە مامۆستایان و کارمەندانی دڵسۆزانە ئەرکی پەروەردەکردن و فێرکردنی قوتابیانی نابیست لەئەستۆ ئەگرن چەندین قوتابی پێگەیاندووەو بەجۆرێک لەجۆرەکان خزمەت بەکۆمەڵگاکەیان دەکەن ، جیا لەمە بەڕێوەبەرایەتی گشتی ئەرکی دابین کردنی وەرگێڕی زمانی ئاماژەی لە ڕێگەی ژمارەیەک مامۆستای خۆبەخش لەئەستۆ گرتووە و هەر نابیستێک لە دامو دەزگاحکومی و ناحکومیەکان دەتوانن سودی لێوەر بگرن.
بەڕێوەبەرایەتی گشتی سوپاسی سەرجەم ئەو ڕێکخراوو کەسایەتیانە دەکات کە ئاسانکاری یان چالاکیەک بۆ نابیستان دەکەن و هاوکاریان دەبێت و پاڵپشت و پشتیوانین بۆ هەر هەوڵێک لە خزمەت کردن بە هاوڵاتیانی خاوەن پێداویستی تایبەت.
په‌یمانگای هیوای نابیستان تاكه په‌یمانگای تایبه‌تمه‌نده به خوێندن‌و په‌روه‌رده‌ی منداڵانی نابیست‌و خوێندن تیایدا به زمانی ئاماژه‌یه‌و له قۆناغی باخچه‌وه تا پۆلی نۆی بنه‌ڕه‌تی ده‌گرێته خۆی‌‌و بۆ ئه‌مساڵی خوێندن 64 قوتابی هه‌یه‌و ساڵانه، ژماره‌یه‌ك چالاكی جۆراوجۆر ئه‌نجامده‌دات، هاوشێوه‌ی ژماره‌یه‌ك له وڵاتان.
#ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی.
23ـی ئەیلوولـــی /2023
|