بەڕێوەبەری گشتی بەوەکالەت پێشوازی لە بەڕێوەبەری بەشی پۆلیسی فریاکەوتن (104) دەکات و دیاردەی سواڵ و منداڵانی سەر ترافیک و کۆچەریەکان تاوتوێ دەکەن.
بەڕێوەبەری گشتی بەوەکالەت " پێویستە ئێمەو سەرجەم دامەزراوە پەیوەندیدارەکان کاربکەین بۆ سنوردارکردن‌و ڕووبەڕووبونەوەی دیاردەی سواڵ ولەشفرۆشی ومنداڵانی سەرترافیک و شەقامەکان"
ئەمڕۆ دووشەممە، 4ـی ئــەیلـولـی /2023 ،بەڕێز بێستون جەبار بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی بەوەکالەت، بەئامادەبونی بەڕێزان ماف پەروەر هیوا ڕەحمان بەرپرسی یاسا، سۆران سەعید بەرپرسی پارێزگاری خێزان ، فەرەیدون عەزیز بەرپرسی پاراستنی منداڵان ، پێشوازی کرد لە عەقید / عەلی ئەحمەد بەڕێوەبەری بەشی پۆلیسی فریاکەوتن (104)ـی سلێمانی.
لە دانیشتنێکدا گفتوگۆی ڕوبەڕوبونەوەی دیاردەکانی سواڵکردن و لەشفرۆشی ژمارەیەک لەکۆچەریەکان و منداڵانی سەر شەقام و ترافک لایتەکان گفتوگۆی لەبارەوەکرا.
بەڕێوەبەری گشتی لەوبارەوە ووتی دیاردەی سواڵ و منداڵی سەرشەقام تایبەت نیە بە سلێمانی یان کوردستان، بەڵام پێویستە ئێمەو سەرجەم دامەزراوە پەیوەندیدارەکان کاربکەین بۆ سنوردارکردن‌و ڕووبەڕووبونەوەی، هەروەک ئاماژەی بەوەدا کە دۆخی ئێستا بەشێکە لە زیادکردنی دیاردەی سواڵ.
هەرلەو دانیشتنەدا بڕیاردرا بە بەردەوامبوون لەسەر دانیشتنەکان و دانانی پلانێک بە هەماهەنگی دەزگا پەیوەندیدارەکان.
جێی ئاماژه‌یه به‌هۆی زۆربوونی ئاواره‌وه به‌تایبه‌ت له شاره گه‌وره‌كان، دیارده‌ی ده‌رۆزه پێكردن‌و کارپێكردنی منداڵ به ڕێژه‌یه‌كی زۆر زیادیكردوه‌و بووه‌ته مایه‌ی نیگه‌رانی حكومه‌ت‌و هاووڵاتیان‌و ڕێكخراوه‌كانی كۆمه‌ڵگه‌ی مه‌ده‌نیش.