هەولێر / لە بۆنەیەکی شایستەدا ولە ڕۆژی جیهانی خاوه‌ن پێداویستیه تایبه‌ته‌كاندا، وه‌زاره‌تی كارو كاروباری كۆمه‌ڵایه‌تی بۆنه‌یه‌كی تایبه‌ت ڕێك ده‌خات.
ئەمڕۆ یەکشه‌ممه، 4ـی کانونـی دووەمـی2022، به‌بۆنه‌ی ڕۆژی جیهانی هاووڵاتیانی خاوه‌ن پێداویستی تایبه‌ت، وه‌زاره‌تی كارو كاروباری كۆمه‌ڵایه‌تی له شاری هه‌ولێر بۆنه‌یه‌كی تایبه‌تی ڕێكخست‌و تیایدا ژماره‌یه‌ك دامه‌زراوه‌و ڕێكخراو خه‌ڵاتكران كه له بواری خزمه‌تی كه‌مئه‌ندام‌و خاوه‌ن پێداویستی تایبه‌ت ڕۆڵ ده‌گێڕن.
له‌و بۆنه‌یه‌دا كه به‌سه‌رپه‌رشتی به‌ڕێز خاتوو.كوێستان موحه‌ممه‌د، وه‌زیری كارو كاروباری كۆمه‌ڵایه‌تی‌‌و ئاماده‌بوونی‌د سامان بەرزنجی ، وەزیری تەندروستی و خاتوو زەکییە سەید سالح بریکاری وەزارەت و ئومێد خۆشناو پارێزگاری ھەولێر ژماره‌یه‌ك له به‌ڕێوه‌به‌ره گشتیه‌كانی وه‌زاره‌ت‌و سه‌رۆك‌و به‌رپرسی یه‌كه‌می ڕێكخراوه‌كانی بواری كه‌مئه‌ندامی‌‌و خاوه‌ن پێداویستی تایبه‌ت‌و نوێنه‌ره‌ی ژماره‌یه‌ك له وه‌زاره‌ته‌كان به‌ڕێوه‌چوو، به‌ڕێز وه‌زیری كارو كاروباری كۆمه‌ڵایه‌تی وته‌یه‌كی پێشكه‌شكردو له وته‌كه‌یدا سه‌ره‌ڕای دووپاتكردنه‌وه‌ی پشتیوانی خۆی‌‌و وه‌زاره‌ته‌كه‌ی و سه‌رجه‌م دامه‌زراوه‌كانی كۆمه‌ڵایه‌تی بۆ هاووڵاتیانی خاوه‌ن پێداویستی تایبه‌ت دووپاتكرده‌وه، هه‌روه‌ها ئه‌و كارانه‌ی خسته‌ڕوو كه كابینه‌ی نوێی حكومه‌ت و وه‌زاره‌تی كارو كاروباری كۆمه‌ڵایه‌تی له ماوه‌ی‌ساڵی ڕابردوودا ئه‌نجامیداون.
هه‌ر له‌و مه‌راسیمه‌دا، خه‌ڵاتی وه‌زیری كارو كاروباری كۆمه‌ڵایه‌تی به‌سه‌ر (32) دامه‌زراوه و کۆمەڵەو ڕێکخراوی کەمئەنداماندا دابه‌شكرا كه به‌جۆرێك له جۆره‌كان خزمه‌ت به هاووڵاتیانی خاوه‌ن پێداویستی تایبه‌ت ده‌كه‌ن.
له‌و بۆنه‌یه‌دا هه‌ریه‌كه له به‌ڕێزان م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌‌و لەتیف شێخ عەزیز، به‌ڕێوه‌به‌ری چاودێری کەمئەندامانی سلێمانی به نوێنه‌رایه‌تی به‌ڕێوبه‌رایه‌تی گشتیمان به‌شداری مه‌راسیمه‌كه‌بوون.
|