بەڕێوەبەرایەتی گشتی ناوی سەرجەم پاڵێوراون بۆ دامەزراندن بەشێوەی گرێبەست بڵاودەکاتەوە .
پاش ووکۆبونەوەی لیژنەی تایبەت بە دامەزراندنی22 کارمەند بەشێوەی گرێبەست و ئامادەبونی بەڕێزان خاتوو کوێستان محەمەد، وەزیری کارو کاروباری کۆمەڵایەتی وم.ئیسماعیل ڕەشید بەڕێوەبەری گشتی، بە مەبەستی خزمەت کردن بە ماڵەکانی سەر بە بەڕێوەبەرایەتی چاودێری کۆمەڵایەتی سلێمانی بڕیار درا بە دەستنیشان کردنی 217 کەس بەپێی خاڵبەندی و شایستە بوون، لەو بەڕێزانەی فۆڕمیان بە مەبەستی دامەزراندن پڕکردبویەوە،
بۆ ئەو مەبەستە لیژنەی ناوبراو ئاگاداری سەرجەم ئەو بەڕێزانە دەکات کە ناویان لە لیستەکاندا هەیە لەو ڕێکەوتەی لەخوارەوە دەستنیشان کراوە سەردان بکەن بە مەبەستی چاوپێکەوتن لە لایەن لیژنەیەکی پسپۆڕو تایبەت مەند تا دیاری کردنی 22 کارمەند لە هەرسێ پسپۆڕیەکە.
تێبینی:-
١- چاوپێکەوتن لە دیوانی بەڕێوەبەرایەتی چاودێری کۆمەڵایەتی سلێمانی دەبێت کە دەکەوێتە گەڕەکی بەکرەجۆ ،بەرامبەر شەقامی دوسایدی عەواڵ.
۲- پێویستە پاڵێوراوان لە کاتژمێر 8:30 خولەک لە شوێنی دەستنیشان کراو ئامادەبن.
۳- هەموو پاڵێوراوێک پێویستە ناسنامەی باری شارستانی و سیڤی (زانیاری کەسی) لەگەڵ خۆی بهێنێت.
٤- پاڵێوراوان لە لیستی (چاودێر) ژمارەیان( 100) کەسە و لە ڕۆژی یەکشەممە ڕێکەوتی27ـی11ـی2022 لە شوێنی ئاماژە پێکراو ئامادەبن بەمەبەستی چاوپێکەوتن.
٥- پاڵێوراوان لە لیستی (کۆمەڵناسی) ژمارەیان( 75) کەسە و لە ڕۆژی دووشەممە ڕێکەوتی28ـی11ـی2022 لە شوێنی ئاماژە پێکراو ئامادەبن بەمەبەستی چاوپێکەوتن.
٦- پاڵێوراوان لە لیستی (دەروون ناسی) ژمارەیان( 42) کەسە و لە ڕۆژی سێشەممە ڕێکەوتی29ـی11ـی2022 لە شوێنی ئاماژە پێکراو ئامادەبن بەمەبەستی چاوپێکەوتن.
ڕاگەیاندنی بەڕێوەبەرایەتی گشتی چاودێری و گەشەپێدانی کۆمەڵایەتی لە پارێزگای سلێمانی
24ـی تشرینی دووەمی2022