ئەمڕۆچوارشەممە، 23ـی تشرینی دووەمی 2022، بە بەبەشداری بەڕێزان م.ئیسماعیل ڕەشید ،بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی،ئاراس ناصر، بەرپرسی پارێزگاری خێزان ، زیاتر لە 70 نوسەرو بەرپرسی حکومی و ڕێکخراوەیی کۆنفرانسی کۆتایی پڕۆژەی چاودێری و خستنەڕووی ڕەوشی ژینگەو بڵاوکردنەوەی هۆشیاری و بنیادنانی تواناکان بەڕێوەچوو.
پڕۆژەکە بە پانێلێک بەبەشداری بەرپرسی پڕۆژەو توێژەروو چەند بەرپرسێکی فەرمانگەکانی ژینگەیی کۆتای بە کارەکانی خۆی هێناو تیایدا دۆخی ژینگەی هەرێمی کوردستان بە کۆمەڵێک سەرنج و تێبینی و بۆچوونی گونجاو خرانە ڕوو.

ڕاپۆرتی کۆتایی کۆنفرانس دوای هەڵسەنگاندنی ورد هەمەلایەنە و گونجاندنی هەموو سەرنج و تێبینییەکان بە ڕاوێژ لەگەڵ حکومەت و پسپۆڕانی بواری ژینگەیی و تەندروستی و ڕێکخراوەکان پەسەندکردنی کۆتایی ڕایانگەیاند چاودێری و بەدواداچوون بۆ هەموو ئەو پڕۆژانە و چالاكییانەی كە كاریگەریان لەسەر پیسبوونی ژینگە هەیە، چ وەک ئەركی فەرمانگە یان سكاڵای هاووڵاتیان ئەنجام بدرێن، بۆ دەستنیشانكردنی سەرپێچییەكان چونکە دۆخی ژینگە لەهەرێمی کودستان لە مەترسیدایەو کێشەی تەندروستی و ڕێژەی توشبوون بە شێرپەنجە بەهۆی خراپی دۆخی ژینگە لە بەرزبونەوەدایەو هەروەک داوا لە سەندیکای رۆژنامەنووسانی هەرێمی کوردستان و میدیا کاران کرا کەلەو بوارەدا گرنگی زیاتر بدەن بە ڵاوکردنەوەی هۆشیاری.