بەڕێوەبەری گشتی لەگەڵ بەڕێوەبەری دایەنگە حکومیەکانی پارێزگای سلێمانی کۆبویەوە.
ئەمڕۆ چوارشەممە، 6ـی تشرینی دووەمی2022، بەڕێز م.ئیسماعیل ڕەشید، بەڕێوەبەری گشتی چاودێری‌‌و گەشەپێدانی کۆمەڵایەتی لە پارێزگای سلێمانی بە ئامادەبوونی بەڕێزان هیوا سەعید ، سەرپەرشتیاری پەروەردەیی ،سۆران سەعید، بەرپرسی بەشی دایەنگەکان، لەگەڵ بەڕێوەبەری دایەنگە حکومیەکانی پارێزگای سلێمانی کۆبویەوە.
لەو کۆبوونەوەیەدا بەڕێز بەڕێوەبەری گشتی، وتەیەکی پێشکەشکردو تیایدا دەستخۆشی لە بەڕێوەبەر و کارمەندانی دایەنگەکان کرد و ئامانجەکانی کاری دایەنگەی وەبیر ئامادەبووان هێنایەوە، هەروەک جەختی کردەوە لەوەی پێویستە هەموو توانای خۆمان بخەینەگەڕ بۆ ئەوەی ژمارەیەک منداڵی زیاتر سودمەندبن، هەروەک باشترکردنی ئەدای دایەنگەکان و ڕێکخستنی زیاتریان لە ڕووی پەروەردەیی و پڕۆگرامەوە بەگرنگ زانی‌و ژمارەیەک ڕێنمای پێدان لەسەر چۆنیەتی هەڵسوکەوت لەگەڵ ستافی دایەنگە و منداڵان.
پاشان ئامادەبووان بیروڕای خۆیان خستەڕوو، تیایدا سەرەڕای دەربڕینی ئامادەیی بۆ جێ بەجێکردنی فەرمان‌و ڕێنماییەکان، ئاماژەیان بە ژمارەیەک گیرو گرفت کرد کە ڕووبەڕووی دایەنگە حکومیەکان دەبێتەوە لەکاتی دەوامدا، کە زۆرینەیان وا بەستەن بە ئاسانکاری بۆ منداڵ و کەمی کارمەند و توێژەر و لەو بارەیەوە بەڕێز بەڕێوەبەری گشتی بەڵێنیدا هەموو هەوڵێک دەدەن بۆ چارەسەرکردنی ئەو گرفتانە.
|