بەڕێوەبەری گشتی پێشوازی لە شاندێکی بزاڤی ئاشتی ناوخۆیی دەکات.
ئەمڕۆ دووشەممە ، 21ـی تشرینی دوەمی2022، بەڕێز م/ ئیسماعیل ڕەشید ، بەڕێوەبەری گشتی چاودێری و گەشەپێدانی كۆمەڵایەتی لە پارێزگای سلێمانی ، پێشوازی كرد لە شاندێکی بزاڤی ئاشتی ناوخۆی کرد کەپێک هاتبوون لە بەڕێزان جەمال عەبدوڵڵا، سەرۆکی لیژنەی پەیوەندیەکان ، ئاری جەلیل ، جێگری سەرۆک .
ئامانجی سەردانەکە هەماهەنگی نێوان هەردولاو کردنەوەی ژمارەیەک لە خول و سیمنار بۆ سودمەندانی سەرجەم بەڕێوەبەرایەتیەکانی سەر بە بەڕێوەبەرایەتی گشتی لە بوارەکانی خراپ بەکارهێنانی ئامێرەکانی مۆبایل و تۆڕە کۆمەڵایەتیەکان و سزا یاسایەکانی بەکارهێنانی مادەی هۆشبەر هەروەها ئامادەکردن و هێنانەوەی ئەوکەسانەی سلوکی مەترسیداریان هەیە بۆ ناو کۆمەڵگا، وتنەوەیان لە لایەن دکتۆرو مامۆستای پڕۆفشناڵ و ئاست بەرز .
بەڕێز بەڕێوەبەری گشتی خۆشحاڵی خۆی بە سەردانی شاندی میوان دەربڕی و پشتگیری خۆی و بەڕێوەبەرایەتی گشتی بۆ هەر هەوڵێک لە پێشخستنی دامەزراوە کۆمەڵایەتیەکان دەربڕی و شاندی میوانیش سوپاسی بەڕێز بەڕێوەبەری گشتی کرد بۆ پشتیوانیان لە پڕۆژە کۆمەڵایەتیەکان.
|