به‌ڕێوبه‌رایه‌تی گشتی تاوتوێی كای لیژنه‌کانی قائیمقامیەت و چاودێری دایه‌نگه‌كان ده‌كات.
ڕۆژی دووشەممە، 21ـی تشرینی دووەمی2022، به سه‌رپه‌رشتی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی سلێمانی‌‌و ئاماده‌بوونی ژمارەیەک لە توێژەرانی بەشی دایەنگەکان و لیژنه‌كانی سه‌رپه‌رشتی‌‌و به‌دواداچوونی دایه‌نگه‌كان و قائیمقامیەت كۆبوونه‌وه‌یه‌كی تایبه‌ت به كاری لیژنه‌كان به‌ڕێوه‌چوو.
له كۆبوونه‌وه‌كه‌دا به‌ڕێوه‌به‌ری گشتی وته‌یه‌كی پێشكه‌كردوو له وته‌كه‌یدا ده‌ستخۆشی له ئەندامانی لیژنه‌كان و به‌رپرس‌و كارمه‌ندانی به‌شی دایه‌نگه‌كان كرد كه له‌ماوه‌ی ڕابردوودا زۆر به‌باشی كاره‌كانیان ڕاپه‌ڕاندووه، هه‌روه‌ها له كۆبوونه‌وه‌كه‌دا پلانی سه‌ردانی لیژنه‌كان‌و چۆنیه‌تی ڕاپه‌ڕاندنی كاره‌كان‌و ئه‌و بوارانه‌ی كه كاری تێدا ده‌كه‌ن‌و چۆنیه‌تی ئاراسته‌كردن‌و ستانداردی ده‌ستنیشانكردنی كه‌م‌و كورتی له دایه‌نگه حكومی‌‌و ناحكومییه‌كان تاوتوێكرا، هه‌روه‌ك بڕیاردرا لە داهاتوودا بە هەماهەنگی و کاری پێکەوەیی به‌جۆرێكی باشتر كاری لیژنه‌كان ئاراسته بكرێت و ڕێك بخرێت.
|