بەڕێوەبەری چاودێری کۆمەڵایەتی سلێمانی بەوەکالەت ژمارەیەک دامەزراوەی کۆمەڵایەتی بەسەردەکاتەوە.
شەوی هەینی ڕابردوو ، 3ـی تشرینی دووەمـی2022 ، بەڕێز مافناس هیوا ڕەحمان ،بەڕێوەبەری چاودێری کۆمەڵایەتی سلێمانی بەوەکالەت ، هەریەک لە ماڵەکان (بەساڵاچوان ،منداڵان ،کوڕان) دایەنگەکانی ( چوارباخ ،بەختیاری) بەسەرکردەوەو چاوی بە بەرپرس و کارمەندان کەوت و لە ژیانی سودمەندانی پرسیەوە.
هه‌ر له‌و سه‌ردانه‌یدا مافناس هیوا ڕەحمان ده‌ستخۆشی لە به‌ڕێزان خاتوو بەناز کەریم بەرپرسی ماڵی بەساڵاچوان ،دانا محەمەد ،به‌رپرسی ماڵی نه‌وجه‌وانانی کوڕان و خاتوو تارا محەمەد، به‌رپرسی ماڵی ساوایان و سه‌رجه‌م بەرپرس و كارمه‌ندانی ماڵه‌كانی تر كرد كه به خشته‌یه‌كی ڕێك‌و پێك ده‌وام‌و پابه‌ندییه‌كانیان ڕێكخستووه‌و ئه‌ركی خۆیان به‌رانبه‌ر منداڵان و بەساڵاچوان جێ به‌جێ ده‌كه‌ن.
هه‌روه‌ك له‌گه‌ڵ بەساڵاچوان و منداڵانی هەرسێ ماڵه‌كه گفتوگۆی كردو له كێشه‌و گرفته‌كانی كۆڵیه‌وه‌و دڵنیای دانێ کە لەگەڵ بەڕێز بەڕێوەبەری گشتی بەردەوام بەدواداچون بۆ سەرجەم گرفتەکان دەکەن و هەوڵی چارەسەری کردنیان دەدەن .
له‌و به‌دواداچوونه‌یدا، به‌ڕێز به‌ڕێوه‌به‌ری چاودێری کۆمەڵایەتی بە وەکالەت له بڕو چۆنیه‌تی‌‌و ته‌ندروستی ژه‌مه خواردنه‌كانی كۆڵیه‌وه‌و ڕێنمایی ستافه‌كانی كرد به چاودێری وردی هه‌ر ژه‌مه خواردنێكی ئاماده‌كراوو چاودێری‌‌و سه‌رپه‌رشتی وردی كاره‌كانی كۆمپانیای ئاماده‌كاری خواردن، ئه‌وه‌ش له پێناو دڵنیابوونه‌وه له پێشكه‌شكردنی خواردنی ته‌ندروست‌و بڕو جۆری پێویستی خواردن بۆ منداڵان‌و به‌سالاچووان، به‌جۆرێك یارمه‌تی گه‌شه‌و ته‌ندروستیه‌كی باشیان بدات.
|