ئەمڕۆ یەکشەممە ،30ـی تشزینی یەکەمـی2022،بەڕێز م. ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، بە هاوڕێیەتی هەریەک لە بەڕێزان ، خاتوو گەشاوعومەر ، شارەزای دارایی ، خاتوو نوخشە رەسول، بەڕێوەبەری کارگێڕی ، ئاراس ناصر، بەرپرسی پارێزگاری خێزان،خاتوو حەلیمە فەتاح ،بەرپرسی بەشی پلان و بەدواداچون بەشداری پرسەی دوو کارمەندی کۆچکردووی سەر بە بەڕێوەبەرایەتی گشتی کرد.

سەرەتا بەڕێوەبەری گشتی و هاوڕێکانی لە قەزای سەید صادق ، بەشداری پرسەی هونەرمەندی شێوەکارو کارمەندی دڵسۆزی سەنتەری پاراستنی منداڵانی سەیدصادق (عومەر عەلی) کردو دوای خوێندنی سورەتی فاتیحە ، هاوخەمی وسەرەخۆشیان لەبنەماڵەی کۆچ کردوو کردوهیوایان خواست دوا کۆستیان بێت.

پاشان خانەوادەی کارمەندی کۆچ کردوی دایەنگەی شارەزوور (ڕەزا سۆفی حەمەامین تاوەگۆزی)یان لە قەزای شارەزوور بەسەر کردەوەو هیوایان خواست خوای میهرەبان کۆچ کردو بە بەهەشتی بەرینی خۆی شاد بکات.