بەڕێوه‌به‌رایه‌تی گشتی كۆبوونه‌وه‌یه‌كی ڕاوێژكاری تایبه‌ت بەپرسی هەماهەنگی بەڕێوەبەرایەتی گشتی و زانکۆی سلێمانی به‌ڕێوه برد.
ئەمڕۆ سێشه‌ممه، 25ـی تشرینی یەکەمی2022، به سه‌رپه‌رشتی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی ،ئاماده‌بوونی بەرپرسی سەرجەم بەشەکانی دیوانی بەڕێوەبەرایەتی گشتی ، كۆبوونه‌وه‌یه‌كی ڕاوێژكاری تایبه‌ت بە هەماهەنگی بەڕێوەبەرایەتی گشتی و زانکۆی سلێمانی به‌ڕێوه‌چوو.
له كۆبوونه‌وه‌كه‌دا دوو ته‌وه‌ری سه‌ره‌كی گفتوگۆكران‌و بۆچونیان له‌سه‌ر ئاڵوگۆڕكرا، یه‌كه‌میان ڕه‌شنوسی ( كاری پێکەوەیی بۆ كاركردن‌و هه‌ماهه‌نگی له‌گه‌ڵ زانکۆی سلێمانی) و دووه‌میان (پلان‌و پڕۆژه‌ی به‌ڕێوه‌به‌رایه‌تی گشتی له‌بواری كۆمه‌ڵایه‌تی‌‌و په‌روه‌رده‌ییدا بۆ سەرجەم سێکتەرەکانی سەر بە بەڕێوەرایەتی گشتی ) .
له سه‌ره‌تای كۆبوونه‌وه‌كه‌دا، پاش ناساندنی ئامانجی كۆبوونه‌وه‌كه به‌ڕێز به‌ڕێوه‌به‌ری گشتی وته‌یه‌كی پێشكه‌شكردو له وته‌كه‌یدا جه‌ختی له گرنگی‌‌و ڕۆڵی دامەزراوە کۆمەڵایەتیەکان و هەماهەنگی لەگەڵ زانکۆکان و فەرمانگە حکومیەکان كردەوە لە دابینكردنی توێژینەوەو پاراستنی ئافره‌تان و بابەتە کۆمەڵایەتیەکان لە ڕێگەی هۆشیاری کۆمەڵایەتی بۆ خزمەتکردنی هاوڵاتیان لە چین و توێژە جیاوازەکان ، هه‌ربۆیه پلانی ئه‌مساڵی به‌ڕێوه‌به‌رایه‌تی گشتی به پلانێكی جۆری ئامانجدار خسته‌ڕوو.
لەپاش گەڵاڵە کردنی ڕاو پێشنیارە جیاوازەکان ده‌رئه‌نجام له وه‌رگرتنی بۆچوونی سەرجەم بەشەکان له کۆبونەوەکە ڕاپۆرت و بۆچوونەکان له‌سه‌ر ته‌وه‌ری سه‌ره‌كی كۆبوونه‌وه‌کە ئامادەکرا.
|