به‌ڕێوه‌به‌ری گشتی پڕۆژه‌ی دروست کردنەوەی دایەنگەی شارەزوور به‌سه‌رده‌كاته‌وه.
ڕۆژی یەکشەممە ،30ـی تشرینی یەکەمـی2022،بەڕێز م.ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی، بە هاوڕێیەتی هەریەک لە بەڕێزان ، ئاراس ناصر، بەرپرسی پارێزگاری خێزان ، نازدار حەسەن، بەڕێوەبەری دایەنگەی شارەزوور ، پڕۆژه‌ی دروست کردنەوەی دایەنگەی شارەزووری لە قەزای شارەزوور به‌سه‌ركرده‌وه.
به پێی ئه‌و پڕۆژه‌یه كه له‌سەر بودجەی حکومەتی هەرێمی کوردستانە، پاش ڕوخاندنی سەرلەنوێ بەشێوەیەکی مۆدێرن دروست دەکرێتەوە و دەخرێتەوە خزمەت منداڵانی قەزاکە.
له‌سه‌ردانه‌كه‌یدا به‌ڕێز به‌ڕێوه‌به‌ری گشتی له نزیكه‌وه كاره‌كانی پڕۆژه‌كه‌ی بینی‌‌و داوای کرد كه به وردی و كوالێتی كاره‌كانیان ئه‌نجامبده‌ن و له كاتی خۆیدا ڕوخاندن و تێکدانی ته‌واو بكه‌ن، هه‌روه‌ها به‌ڕێوه‌به‌رو ستافی دایەنگەی شارەزووری ئاراسته‌كرد بەوردی ئاگاداری به‌ڕێوه‌چوونی پڕۆژه‌كه‌بن.
بۆ ئەوەی نه‌بێته ڕێگر بۆ دانیشتوانی قەزاکە ته‌واوی ڕێوشوێنه‌كانی بەکرێ گرتنی بینایەک بۆ منداڵان بگرنه به‌ر تا کاتی تەواو بونی پڕۆژەکە.
|