لەپه‌یمانگاو سەنتەرەکانی خاوه‌ن پێداویستی تایبه‌ت ساڵی نوێی خوێندن ده‌ستی پێكرد .
هاوشێوه‌ی خوێندنگه‌كانی وه‌زاره‌تی په‌روه‌رده، ڕۆژی سێشەممە،13ـی ئەیلوولــی2022، خوێندن له په‌یمانگاو سه‌نته‌ره‌كانی خاوه‌ن پێداویستی تایبه‌ت سه‌ر به وه‌زاره‌تی كارو كاروباری كۆمه‌ڵایه‌تی ده‌ستی پێكرد.
له شاری سلێمانی‌‌و به ئاماده‌بوونی به‌ڕێزان م.ئیسماعیل ڕەشید ، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له‌پارێزگای سلێمانی،لەتیف شێخ عەزیز، بەڕێوەبەری چاودێری کەمئەندامانی سلێمانی، هیوا ڕەحمان، ڕاوێژکاری یاسایی، هیوا سەعید، سه‌رپه‌رشتیاری په‌روه‌رده‌یی، به‌ڕێوه‌به‌رو مامۆستاو كارمه‌ندان، له (په‌یمانگای ڕوناکی ، سەنتەری ڕۆشنایی ،پەیمانگای ئاوات) ساڵی نوێی خوێندن دەستی پێکرد.
له هه‌رێمی كوردستان، وه‌زاره‌تی كاروكاروباری كۆمه‌ڵایه‌تی خاوه‌نی 5 په‌یمانگاو سه‌نته‌ری تایبه‌ت به خاوه‌ن پێداویستی تایبه‌ته له هه‌رسێ پارێزگای سلێمانی‌‌و هه‌ولێرو دهۆك، كه ئه‌وانیش بریتین له (په‌یمانگای هیوای نابیستان، ڕووناكی بۆ نابینایان، سه‌نته‌ر ئۆتیزم، په‌یمانگای ئاوات بۆ په‌روه‌رده‌ی مێشك، په‌یمانگای هانا بۆ ڕاهێنانی پیشه‌یی، سه‌نته‌ری ڕۆشنایی بۆ نابینایان) له هه‌ردوو په‌یمانگای (هیوا و ڕووناكی) پرۆسه‌ی په‌روه‌رده‌و فێركردن هاوشێوه‌ی وه‌زاره‌تی په‌روه‌رده بۆ نابیستان‌و نابینیان به‌ڕێوه ده‌چێت‌و به هه‌مان پرۆگرامی خوێندن، هه‌روه‌ك خوێندن له هه‌ردوو په‌یمانگا تا نۆیه‌تی بنه‌ڕه‌تیه‌‌و دواتر نابینایان ده‌چنه قۆناغی ئاماده‌یی‌‌و لە ئێستاشدا نابیستان له ئاماده‌یی پیشه‌یی وەردەگیرێن.
|