دەست بە جێبەجێکردنی فەرمانێکی سەرۆکی ئەنجومەنی وەزیران کراو کاردانەوەی ژمارەیەک ڕێکخراوی کەمئەندامی و هاوڵاتیانی خاوەن پێداویستی تایبەتی لێکەوتەوە.
یەکێتی کەمئەندامانی سلێمانی : زۆر سوپاسی هەوڵ و ماندوبونەکانی وەزیری کارو کاروباری کۆمەڵایەتی دەکەین کە توانی موچەی ڕاگیراوی کەمئەندامانی میراتگری خانە
نشینی بگێڕێتەوەو وە زۆر سوپاسی بەڕێوەبەرایەتی گشتی چاودێری و گەشەپێدانی کۆمەڵایەتی دەکەین کە زۆر دڵسۆزانە کار بۆ جێبەجێ کردنی دەکەن.
دوابەدوای فەرمانی بەڕێز سەرۆکی ئەنجومەنی وەزیران ژمارە (2523 )لە ڕێکەوتــی25ـی8ـی2022 بۆ جێگیر کردنی ماف و ئیمتیازاتی هاوڵاتیانی خاوەن پێداویستی تایبەت و ڕەچاوکردنی بژێوی ژیانیان بڕیاردرا بە بەردەوام بونی پێدانی کۆمەکی کەمئەندامی بۆ ئەو خاوەن پێداویستیە تایبەتانەی کەلە هەمان کاتدا مووچەی میراتگری خانەنشینی وەردەگرن.
بۆ ئەم مەبەستەش بەڕێوەبەرایەتی گشتی دەستی کرد بە جێبەجێ کردنی فەرمانەکە و گەڕاندنەوەی هاوکاری کەم ئەندامی بۆ وارسی خانەنشینی کران لە پارێزگای سلێمانی بۆیە هاوڵاتیانی خاوەن پێداویستی تایبەت و ژمارەیەک لە ڕێکخراوە کەمئەندامیەکان بڕیارەکەیان بە گرنگ وەسف کردوو سوپاسی هەوڵەکانی خاتوو کوێستان محمد ، وەزیری کارو کاروباری کۆمەڵایەتیان کرد کە بە خەمخۆریەوە بەدەم چارەسەرکردنی کێشەو گرفتەکانی کەمئەندامانەوەیەو هەروەک سوپاسی بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی دەکرێت کە دڵسۆزانە کار بۆ جێبەجێ کردنی فەرمانەکە دەکەن و لە خزمەت کردن بە هاوڵاتیانی خاوەن پێداویستی تایبەت و بەدەمەوە چونی مامەڵەکانیان هەمیشە ئاسانکارن .
|