ڕۆژی پێنجشەممە ، 1ـی ئەیلولــی2022 ،بەڕێز م. ئیسماعیل ڕەشید ، بەڕێوەبەری گشتی چاودێری وگەشەپێدانی کۆمەڵایەتی لە پارێزگای سلێمانی ،بەئامادە بونی بەڕێزان، هیوا ڕەحمان ،ڕاوێژکاری یاسایی، شاسوار صدیق ڕێکخەری پڕۆژە و تیمی پڕۆژەی (یەکسانی جێندەری و بەهێز کردنی ژنان) لە پارێزگای سلێمانی کۆبویەوە.
لە دانیشتنێکدا گفتوگۆ کرا دەربارەی ئەو کارو چالاکیانەی پڕۆژە کە لە ماوەی ڕابردودا ئەنجامیان داوەو بەڕێز بەڕێوەبەری گشتی ستایشی ڕێکخەرو تیمی پڕۆژەکە کردوو هەروەها باسی لە و کێشە و گرفتانە کرد ئەمڕۆ ڕوبەڕوی ژنان و منداڵان دەبنەوە و هەموانی ئاگادار کردەوە لە وەی پشتیوانی مافەکانی ژنان و منداڵان بن و لە ڕێگەی خول و سیمنار و ڕاهێنانەکانەوە دەتوانن خزمەتێکی گەورە بە ئافرەتانمان بکەن ، تا پرسی ژنان زیاتر بەرەو پێش ببەن .
پاشان ڕێکخەری پڕۆژە سوپاسی بەڕێز بەڕێوەبەری گشتی کرد بۆ پاڵپشتی و پشتیوانیان لە پڕۆژەکە و دڵنیای دا کە بەردەوامدەبن تا زیاتر خزمەت بە ژنانی پارێزگای سلێمانی بکرێت.
ئەوەی شایەنی باسە پڕۆژەکە بە پشتیوانی‌ دارایی‌ رێکخراوی‌ (UNFPA) و سەرپەرشتی‌ بەڕێوەبەرایەتی گشتی، یەکێک لە پڕۆژە گرنگ و کاریگەرەکانی‌ سنوری‌ کاری‌ بەڕێوەبەرایەتی‌ گشتیمانەو لە ماوەی‌ڕابردوودا خزمەتێکی‌ گەورەی‌ بە پرسی ژنان و خیزان کردووە.