بەڕێوەبەری گشتی پێشوازی لە شاندێکی باڵای ئەنجومەنی کۆمەڵی دادگەری دەکات.
ڕۆژی سێشەممە ، 13ـی ئەیلوولـی 2022، بەڕێز م/ ئیسماعیل ڕەشید ، بەڕێوەبەری گشتی چاودێری و گەشەپێدانی كۆمەڵایەتی لە پارێزگای سلێمانی ، پێشوازی كرد لە شاندێکی باڵای ئەنجومەنی کۆمەڵی دادگەری کە بریتی بوون لە بەڕێزان ، م.یاسین حەسن و م.ئەنوەر سەعدون و م.فاروق عەلی ، ئەندامانی ئەنجومەن .
مەبەستی سەردانەكەیان پیرۆزبایی بو لە وەرگرتنی ئەركی نوێی بەڕێوەبەری گشتی ، گفتوگۆیان کرد لەسەر كێشەو گرفتەكانی بەردەم دامەزراوەی کۆمەڵایەتی و هاوڵاتیانی خاوەن پێداویستی تایبەت و هەژاران و پرسەکانی ژنان و شاندی میوان دەست خۆشیان لە بەڕێز بەڕێوەبەری گشتی و کارمەندانی بەڕێوەبەرایەتی گشتی کرد و ئەرک و ماندوبونیان بەرز نرخاند.
ئەوەی جێی باسە بەڕێوەبەری گشتی پێی ڕاگەیاندن بە هاوكاری ئەوان لە خزمەت كردن بە هەموو چین و توێژەكان بەردەوام دەبێت و شاندی میوانیش لای خۆیانەوە بەڵێنی هاوكاریان داو هیوای سەركەوتنیان بۆ بەڕێزیان خواست ، پاڵپشتی و پشتیوانی خۆیان و کۆمەڵی دادگەری بۆ بەڕێز بەڕێوەبەری گشتی و دامەزراوەی کۆمەڵایەتی دوپات کردەوە.
|