کوێستان محەمەد : " ساڵانه له سەنتەرەکانمان به هه‌زاران منداڵ سودمه‌ند ده‌بن‌و ئه‌م ڕاهێنانە ده‌بێته هۆی پاراستنیان و فێرکردنیان لە چەندین بواری گرنگدا و سودمەندانیشی منداڵانی ئاوارەو پەنابەرو ناوخۆن".
چەمچەماڵ / بە ئامادەبونی وەزیری کارو کاروباری کۆمەڵایەتی ، بەڕێوەبەری کشتی سەنتەری پاراستنی منداڵانی چەمچەماڵ لە مەراسیمێکی تایبەتدا کۆتای بە خولەکانی هاوینەی سەنتەرەکە هێنا.
ڕۆژی پێنجشەممە ،8ـی ئەیلولــی2022 ، بە ئامادەبونی خاتوو کوێستان محەمەد، وەزیی کارو کاروباری کۆمەڵایەتی ، م.ئیسماعیل ڕەشید ، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی ، حاکم ڕەمەک ، قائمقامی قەزای چەمچەماڵ و هیوا ڕەحمان، ڕاوێژکاری یاسایی، بەرزان کەریم، بەڕێوەبەری چاودێری کۆمەڵایەتی چەمچەماڵ، لە مەراسیمێکی تایبەتدا کۆتایی بەخولێکی هاوینە هات کە بۆ منداڵانی ناوخۆو ئاوارەی شاری چەمچەماڵ کرابویەوە.
خولەکان تایبەت بوون بە فێر بونی کۆمپیوتەرو زمان و وەرزش و ووێنەکێشان جێ ئاماژەیە (253)منداڵ(کوڕ و کچ) سودمەند بون ، کە تەمەنیان لە نێوان 8ساڵ بۆ 18 ساڵ دایە و لە ڕێکەوتی 2022/6/18 دەستی پێکردوەو لە ڕێکەوتی 2022/9/8 کۆتای هات..
له‌و مەراسیمەدا، به‌ڕێز خاتوو كوێستان موحه‌ممه‌د ڕایگه‌یاند:" سەنتەرەکانی پاراستنی منداڵان یه‌كێك له پڕۆژه گرنگه‌كانی وه‌زاره‌تی كارو كاروباری كۆمه‌ڵایه‌تیه كه‌ساڵانه به هه‌زاران منداڵ سودمه‌ند ده‌بن‌و ئه‌م ڕاهێنانە ده‌بێته هۆی پاراستنیان و فێرکردنیان لە چەندین بواری گرنگدا و سودمەندانیشی منداڵانی ئاوارەو پەنابەرو ناوخۆن له پارێزگاكانی سلێمانی‌‌و هه‌ولێرو دهۆك‌و ئیداره‌ی گه‌رمیان به‌ڕێوه ده‌چێت ، هه‌ربۆیه ده‌ستخۆشی له سه‌نته‌ری پاراستنی منداڵانی چەمچەماڵ كرد كه بەو چالاکیانە هه‌ستابوون ".
لە کۆتای مەراسیمەکەدا بڕوانامە بەسەر بەشدار بوواندا دابەشکرا، سەرکەوتووانی خول خەڵات کران.
|