دایەنگەی مۆنتیسۆری ناحكومی فیستیڤاڵی ساڵانه‌ی خۆی ئه‌نجامدا.
ڕۆژی چوار شەممە ، 24ـی ئابـــی2022، به ئاماده‌بوونی به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی، خاتوو حەلیمە فەتاح ، بەرپرسی بەشی دایەنگەکەکان ، خاوه‌نی دایەنگە و دایك‌و باوكی منداڵانی دایه‌نگه، دایه‌نگه‌ی مۆنتیسۆری فیستیڤاڵی ساڵانه‌ی خۆی له ناو بینای دایەنگەکەی ئه‌نجامدا.
له فیستیڤاڵه‌كه‌ی دایه‌نگه‌كه‌ی مۆنتیسۆری پێشەنگایەکی ئیشی دەستی منداڵان وسه‌رجه‌م چالاكییه هونه‌رییه‌كانی منداڵانی له‌ماوه‌ی ڕابردوودا نمایشكران‌و ستافه‌كانی دایه‌نگه‌ش به كاری هونه‌ری‌‌و پێشكه‌شكردنی خواردن فیستیڤاڵه‌كه‌یان ده‌وڵه‌مه‌ند كردبوو.
جێی ئاماژه‌یه دایەنگەی مۆنتیسۆری لە هەڵسەنگاندنی بەشی دایەنگان دا لە پلەبەندی A دایە .
|