وەزیری کارو کاروباری کۆمەلایەتی سەرپەرشتی یەکەم کۆبونەوەی لیژنەی باڵای پاراستنی مافەکانی منداڵانی کرد.
ئەمرۆ دووشەممە، 22ـی ئــابـی2022 بەسەرپەرشتی خاتوو کوێستان محەمەد وەزیری کارو کاروباری کۆمەلایەتی ، ئامادەدەبوونی بەڕێزان م. ئیسماعیل ڕەشید، بەڕێوەبەری گشتی چاودێری و گەشەپێدانی کۆمەڵایەتی لە پارێزگای سلێمانی و سەرجەم بەڕێوەبەرانی گشتی چاودێری و گەشەپێدانی کۆمەڵایەتی (هەولێر، دهۆك، گەرمیان، هەڵەبجە) و ژمارەیەک لە نوێنەری وەزارەتەكان و دەستەو سكرتارییەتی لیژنە، یەكەم كۆبوونەوەی لیژنەی باڵای پاراستنی مافەکانی منداڵان بەڕێوەچوو.
سەرەتای كۆبوونەوەكە خاتوو كۆێستان محمد ،بەخێرهاتنی سەرجەم ئەندامان و ئامادەبوانی بەشداربووی كۆبوونەوەكەی كردو گرنگی رۆڵ و پێویستی ئەنجومەنەکەی بۆ ئامادەبوان شیکردەوە.
هەروەها چارەسەر کردنی هەموو ئەو کێشەو گرفتانەی خستە ڕوو کە ڕوبەڕووی منداڵانی ناو كۆمەڵگە لەسەرجەم بوارەكانی چاكسازی و ماڵەکانی منداڵان و منداڵانی سەرشەقام و خێزانی جێگرەوەو سەرجەم ئەو منداڵانەی كە لە كۆمەڵگەدا دەبنەوە.
پاشان گفتوگۆكردن لەسەر بابەتەكان و ئیدارەدانی ئەنجومەنەكە،لەلایەن بەڕێز ( فوئاد سدیق )راوێژكاری وەزارەت کرا كە سەرۆكی ئەنجومەنەكەیە.
دواتر لەلایەن بەڕێز فوئاد سدیق سەرۆكی ئەنجومەنی باڵا، كۆبوونەوەكە بەڕێوەچوو، دوای گفتوگۆیەكی چڕ لەسەر خاڵی بە خاڵی بەرنامەكە، چەندین بڕیاری پێویست لە لایەن ئامادەبوانەوە درا.
|