کۆمەڵەی تالاسیمیا سوپاسی خۆیان ئاراسته‌ی لیژنەی پێناسی نوێی کەمئەندامان ده‌كات.
ئەمڕۆ یەکشەممە ،21ـی ئـابـی2022، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی به ئاماده‌بوونی به‌ڕێزان نەهرۆ عەبدوڵڵا ،بەڕێوەبەری تۆڕی پاراستنی کۆمەڵایەتی سلێمانی، سۆران سه‌عید، به‌رپرسی به‌شی پلان‌و به‌دواداچون، هیوا ڕەحمان،ڕاوێژکاری یاسایی، پێشوازیكرد له شاندێكی کۆمەڵەی تالاسیمیای سلێمانی بە سەرۆکایەتی ،کۆچەر کەریم، سەرۆکی کۆمەڵە.
لە چوارچێوه‌ی سه‌ردانه‌كه‌دا شاندی کۆمەڵەی تالاسیمیا، خه‌ڵاتی سوپاس‌و ڕێزلێنانی خۆیان پێشكه‌ش به به‌ڕێزان، سەرۆک و ئەندامانی لیژنەی پێناسی نوێی کەمئەندامی كرد، له پای هه‌ماهه‌نگی‌‌و كاری پێكه‌وه‌یی‌‌و ئاسانكارییان بۆ هاوڵاتیانی خاوەنپێداویستی تایبەت و ماندوبونیان و سەرکەوتنی پڕۆژەی دروست کردنی ناسنامەی نوێی کەمئەندامی له به‌رانبه‌ردا به‌ڕێز به‌ڕێوه‌به‌ری گشتی سوپاسی بەڕێوەبەر وئەندامانی کۆمەڵەی تالاسیمیا كرد له به‌رانبه‌ر هه‌ڵوێستیانداو جه‌ختی كرده‌وه له‌سه‌ر ئه‌وه‌ی كه ئه‌وه‌ی به‌ڕێوه‌به‌رایه‌تی گشتی كردوویه‌تی به ئه‌ركی خۆی زانیوه‌و به‌رده‌وامیش ده‌بێت له‌سه‌ر ئه‌و هه‌ماهه‌نگی‌‌و پێكه‌وه كاركردنه له پێناو به‌رژه‌وه‌ندی گشتی‌‌و خزمه‌تی زیاتری هاوڵاتیانی خاوەن پێداویستی تایبەت .
هه‌ر له‌و سه‌ردانه‌دا جه‌خت كرایه‌وه له‌سه‌ر به‌رده‌وامی كاری پێكه‌وه‌یی‌‌و هه‌ماهه‌نگی له چوارچێوه‌ی كارو ئامانجه هاوبه‌شه‌كاندا، گفتوگۆ کرا سەبارەت بە کێشەکانی توشبوانی نەخۆشی تالاسیمیا و گرفتی کەمی چارەسەرو پێداویستیە پزیشکیەکانی تایبەت بە توشبوانی لە پارێزگای سلێمانی.
|