سوپاس و پێزانین دەبەخشرێتە کۆمپانیای ئاسیاسێڵ لەبەرامبەر هاوکاری کردنی تۆڕی پاراستنی کۆمەڵایەتی سلێمانی لە دروست کردنی بینای هۆڵی سیستمی یەک پەنجەرە.
پاش هاوکاری کردنی تۆڕی پاراستنی کۆمەڵایەتی سلێمانی سەر بە بەڕێوەبەرایەتی گشتی چاودێری و گەشەپێدانی کۆمەڵایەتی سلێمانی، لە دروست کردنی هۆڵی یەک پەنجەرە لە لایەن کۆمپانیای ئاسیاسێڵ، ئەمڕۆ چوار شەممە ،6ـی تەموزـی2022 ، بەڕێز م.ئیسماعیل ڕەشید محەمەد، بەڕێوەبەری گشتی چاودێری و گەشەپێدانی کۆمەڵایەتی لەپارێزگای سلێمانی ، بە یاوەری بەڕێز ،ئاراس ناصر ، بەرپرسی پارێزگاری خێزان ،سەردانی کۆمپانیای (ئاسیا سێڵ) یان کرد و لەلایەن بەڕێز سیروان نوری، بەڕێوەبەر لەسەرچاوە مرۆیەکانی کۆمپانیا پێشوازی کران.
ئامانجی سەردانەکە بەخشینی سوپاس و پێزانین بوبە کۆمپانیای ئاسیا سێڵ لەپای هاوکاریان لە دروست کردنی بینای هۆڵی سیستمی یەک پەنجەرە لە بەڕێوەبەرایەتی تۆڕی پاراستنی کۆمەڵایەتی سلێمانی ، هەروەک جێگری بەڕێوەبەری سەرچاوە مرۆیەکانی کۆمپانیا سوپاسی بەڕێز بەڕێوەبەری گشتی کردوو دڵنیای دا کە بەردەوام هاوکارو پاڵپشت دەبن و جەختی لە یەکخستنی تواناکان کرد بۆ خزمەتی هاوڵاتیانی خاوەن پێداویستی تایبەت و منداڵانی بێسەرپەرشت و گەشەپێدانی تواناکانیان.
پڕۆژەی بینای سیستمی یەک پەنجەرە لە ئێستادا لە قۆناغی دروست کردندایەو لە سەدا 60ـی کارەکانی بە کۆتا هاتووەو بە تەواو بونی تیایدا ئاسانكاری ته‌واو پێشكه‌ش به هاووڵاتیان ده‌كات بە تایبەت هاوڵاتیانی خاوەن پێداویستی تایبەت و به‌بێ ئه‌وه‌ی هاووڵاتیان هه‌ست به ماندووبوون‌و بێزاری بكه‌ن كاره‌كانیان به‌ڕێوه ده‌چێت‌و له شوێنی شایسته چاوه‌ڕوانی ته‌واوبوونی مامه‌ڵه‌كانیان ده‌كه‌ن.
|