"ئیسماعیل ڕەشید : ژمارەیەکی زۆر خێزانی دوورە دەست لە گوندەکان هەن کە خاوەن پێداویستی تایبەتن ئازارەکانی ژیانیان سەختەو یەکێک لەو خانەوادانە لە کۆی شەش سەر خێزان پێنجیان خاوەنپێداویستی تایبەتن"

بەمەبەستی بەدواداچونی ژیان و گوزەرانی هەژاران و هاوڵاتیانی خاوەن پێداویستی تایبەت ئەمڕۆ پێنجشەممە 23ـی حوزەیرانـی2022 ، بەڕێز بەڕێوەبەری گشتی بەیاوەری بەڕێزان هێمن محمد، بەڕێوەبەری نوسینگە ،بەنان وەهاب توێژەری کۆمەڵایەتی، چەند گوندێکیان لەسنوری قەزای دوکان بەسەرکردەوە.

سەرەتا بەڕێوەبەری گشتی لە گوندی( ئاریشە) لە درگای ماڵێکی هەژاریاندا کە لە شەش کەسی خێزانەکە پێنجیان خاوەنپێداویستی تایبەتن و بەڕێز بەڕێوەبەری گشتی بەدواداچونی بۆ ژیانیان کردوو لەبارەی ژیان و بژێویان گفتوگۆی لەگەڵ کردن و بەڵێنی دا کە خراپی دۆخی گوزەرانیان بگەیەنێت بە خاتوو کوێستان وەزیری کارو هاوکاریان بێت هەتا ئەوکاتەی مووچەیەکی خاوەن پێداویستی تایبەتیان بۆ دەکرێت.

پاشان شاندەکە چونە گوندی (قەڵەم پاشا) ژمارەیەک ماڵی هەژارو خاوەنپێداویستی تایبەت بەسەرکرانەوەو لە ژیان و گوزەرانیانی پرسیەوە.

لەو ڕوەوە بەڕێز م.ئیسماعیل ڕەشید بە سایتی فەرمی بەڕێوەبەرایەتی گشتی ڕایگەیاند کە ئەوان لەلایەن چەند هاوڵاتیەک دۆخی ئەو گوندانەیان بۆ باس کرابوو هەر بۆیە پێمان باش بوو خۆمان لە نزیکەوە بارودۆخی هاوڵاتیانی خاوەن پێداویستی تایبەت لە ناوچەکە ببینین ، ژمارەیەکی زۆر خێزانی دوورە دەست لە گوندەکان هەن کە خاوەن پێداویستی تایبەتن ئازارەکانی ژیانیان سەختەو هیچ بژێویەکیان نیە و یەکێک لەو خانەوادانە لە کۆی شەش سەر خێزان پێنجیان خاوەنپێداویستی تایبەتن و تەنها دایکی منداڵەکان بەڕێوەیان دەبات چاوەڕێی کەسێکن ئاوڕیان لێبداتەوە ، هەروەها لە گوندی (قەڵەم پاشا) هەشت هاوڵاتی خاوەن پێداویستی تایبەت هەن کە ژمارەیەک لەوانە ژیانیان سەختە و تۆمار نەکراون تا موچەیەکی شایستە وەر بگرن ، ئێمە بەدەر لەو هاوکاریەی پێمان بو دڵنیام کردنەوە کە لەگەڵ خاتوو کوێستان محەمەد ، وەزیری کارو کاروباری کۆمەڵایەتی هەوڵی چارەسەری گرفتەکانیان دەدەین"