بەڕێوەبەری گشتی پێشوازی لە بەڕێوەبەری گشتی تەندروستی سلێمانی دەکات.
ئەمڕۆ چوارشه‌ممه،15ـی6ـی2022، به‌ڕێز م.ئیسماعیل ڕەشید، به‌ڕێوه‌به‌ری گشتی چاودێری‌‌و گه‌شه‌پێدانی كۆمه‌ڵایه‌تی له پارێزگای سلێمانی‌بە ئامادەبونی مافناس هیوا ڕەحمان ،ڕاوێژکاری یاسایی ، پێشوازی كرد،لە دکتۆر صەباح نصرالدین، بەڕێوەبەری گشتی تەندروستی سلێمانی.
لە دیدارێکدا گفتوگۆ لەسەر دوو تەوەری سەرەکی کران یەکەم ،چارەسەر کردنی كێشه‌ی بێ خانه‌و لانه‌كان و ژماره‌یه‌ك هاووڵاتی كه له‌سه‌ر شه‌قامه‌كان دەمێننەوەو باری دەرونیان ناجێگیرە ، دابین کردنی ستاف و شوێنێکی گونجاو بۆ مانەوەیان ، هەروەک بەڕێز د.صەباح ئامادەیی خۆی بۆ هەر هاوکاریەک لەو ڕوەوە دەربڕی.
لە تەوەرێکی تردا بڕیاردرا بە هاماهەنگی هەردوو بەڕێوەبەرایەتی گشتی هەموو ئەو کەمئەندامانەی تۆماری نوێن لەلایەن لیژنەیەکی پزیشکی ڕێژەکانیان دیاری بکرێن و مامەڵەی کەمئەندامیان بۆ ئەنجام بدرێت .
پاشان باس له كێشه هاوبه‌شه‌كان و پرس و ڕا هاوبه‌شه‌كانی كاری كۆمه‌ڵایه‌تی و تەندروستی نێوان هه‌ردوو به‌ڕێوه‌به‌رایه‌تی گشتی كران و، له‌و دیداره‌دا به‌ڕێز م.ئیسماعیل ڕەشید، جه‌ختی كرده‌وه كه به‌رپرسان و بەرپرسی به‌ش و هۆبه‌كانی به‌ڕێوه‌به‌رایه‌تی گشتی ئاماده‌ی هاوكاری ته‌واوی به‌ڕێوه‌به‌رایه‌تی گشتی تەندروستی سلێمانی دەبن تا زیاتر كاره‌كانی کەمئەندامان بەڕێوەبچێت و خزمه‌تی هاووڵاتیان بکرێت.
لە کۆتاییدا هەردوو لا جەختیان کردەوە لە هەماهەنگی و کاری هاوبەش لە پێناو خزمەتی هاووڵاتیاندا.
|